Breaking News

Vatandoshlar, vatan va “El-yurt umidi” jamgʻarmasi


25-sentabr kuni O'zbekiston rahbari Shavkat Mirziyoyev hukumat tizimida yangi jamg'arma yaratishni buyurdi. Maqsad - xorijda yashayotgan o'zbekistonlik mutaxassislar bilan yaqin hamkorlikni yoʻlga qoʻyish, shuningdek, mamlakat yoshlari dunyoning yetakchi ilm dargohlarida o'qishi va kadrlari xorijda malaka oshirishi uchun sharoit yaratish.

Farmonga binoan Tashqi ishlar vazirligi qoshidagi Mutaxassislarni xorijda tayyorlash va vatandoshlar bilan muloqot qilish markazi endi Vazirlar Mahkamasi huzurida Mutaxassislarni xorijda tayyorlash va vatandoshlar bilan muloqot qilish boʻyicha “El-yurt umidi” jamgʻarmasi sifatida shakllanadi. Unga har yili davlat byudjetidan 45 milliard so'm ajratiladi va boshqa manbalardan ham moliya kelishi rejalanadi.

Yaqingacha prezident huzurida ishlab kelgan “Isteʼdod” jamgʻarmasi o'rnini endi shu yangi fond egallaydi.

Prezident Mirziyoyevning buyrug'iga ko'ra, "El-Yurt umidi" jamgʻarmasining asosiy faoliyati quyidagilardan iborat bo'ladi:

- xorijdagi nufuzli ilmiy-tadqiqot, tibbiyot, iqtisodiyot va innovatsion texnologiyalar sohalarida ishlayotgan, ilmiy va amaliy tajribaga ega vatandoshlar bilan aloqa oʻrnatish.

- vatandosh mutaxassislarning elektron reyestri, ya'ni maʼlumotlar bazasini yaratish va yuritish;

- chet eldagi olimlar, oʻqituvchilar, muhandislar va boshqa mutaxassislarni O'zbekistondagi turli tarmoqlarga jalb etish va ular uchun qulay sharoit yaratish;

- bu kadrlarning salohiyatidan samarali foydalanishni taʼminlash;

- taʼlim, sogʻliqni saqlash va iqtisodiyot sohalarida ishlayotgan vatandoshlar orasida Oʻzbekistonning ijobiy qiyofasini shakllantirish;

- vatandosh mutaxassislarning gʻoya va fikrlarini toʻplab, tegishli tashkilotlarga yetkazish;

- rivojlangan mamlakatlarning nufuzli taʼlim va ilmiy markazlari bilan aloqalarni yoʻlga qoʻyish va hamkorlikni rivojlantirishda vatandoshlar salohiyatidan faol foydalanish;

- rivojlangan mamlakatlarning yetakchi taʼlim va ilmiy muassasalarida magistratura va doktorantura dasturlari boʻyicha tanlov oʻtkazib, yoshlarni o'qitish hamda pedagoglar va ilmiy kadrlar uchun malaka oshirishni tashkil etish. Bu imkoniyatdan foydalanganlar vatanga qaytib, olgan stipendiyasiga qarab, 3-7 yil orasida davlat tashkilotida ishlash mas'uliyatini o'z bo'yniga olishi kerak.

- xorijiy ekspertlarning, shu jumladan, vatandoshlarning Oʻzbekistondagi islohotlarga doir tahliliy materiallari chop etiladigan jurnallar va ilmiy toʻplamlar tayyorlash va tarqatish;

- taʼlim, sogʻliqni saqlash, iqtisodiyot va davlat boshqaruvi sohalarida xalqaro tashkilotlar, xorijiy mamlakatlarning davlat tuzilmalari va nodavlat tashkilotlari bilan aloqani yoʻlga qoʻyish va ular bilan ishlash.

Deputat Akmal Burhanov, "Taraqqiyot strategiyasi" markazi rahbari, "Amerika Ovozi" muxbiri Navbahor Imamova bilan suhbatda, 6-sentabr, 2018, Toshkent
Deputat Akmal Burhanov, "Taraqqiyot strategiyasi" markazi rahbari, "Amerika Ovozi" muxbiri Navbahor Imamova bilan suhbatda, 6-sentabr, 2018, Toshkent

Akmal Burhanov: Vatandoshlar qo'rqmasligi kerak
Iltimos, kuting...

No media source currently available

0:00 0:20:27 0:00


"Amerika Ovozi" yaqinda Toshkentda "Taraqqiyot strategiyasi" markazi rahbari, deputat Akmal Burhanov bilan aynan shu masalada gaplashdi. Islohotlarni targ'ib va tahlil qilib kelayotgan markaz bu yili ochilgan "Buyuk kelajak" degan tashkilot asoschilaridan biri.

Burhanovning aytishicha, O'zbekiston hukumatida vatandoshlarni vatandagi jarayonlarga jalb etish bo'yicha qattiq harakat ketmoqda.

Hamma ham qaytib kelmasligi mumkin, deya tan oladi qonunchi, lekin tizim qaytmoqchi bo'lganlarga sharoit yaratishni istaydi.

Ko'plab vatandoshlar hukumatdan xavfsiraydi va sistemaga ishonchi past. G'arbda, xususan Amerikada yashab ishlab yurgan o'zbekistonliklar orasida vatanga qaytish qizg'in muhokamada lekin amaliy qadamlar sust.

Burhanov bu masala bilan bog'liq qator savollarga javob berdi. Tomosha qiling.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

XS
SM
MD
LG