Breaking News

Shanxay Hamkorlik Tashkilotiga endi O'zbekiston diplomati Bosh kotib


Vladimir Norov, O'zbekistonning sobiq tashqi ishlar vaziri, sobiq elchisi

1-yanvardan binoan Shanxay Hamkorlik Tashkiloti Bosh kotibi - O'zbekiston sobiq tashqi ishlar vaziri Vladimir Norov. U yaqingacha Toshkentda Strategik va mintaqalararo tadqiqotlar instituti rahbari edi.

Shanxay Hamkorlik Tashkiloti G'arbga qarshi siyosiy blokmi?
Iltimos, kuting...

No media source currently available

0:00 1:09:37 0:00

Hozirda sakkiz davlat - O'zbekiston, Qozog'iston, Tojikiston, Qirg'iziston, Rossiya, Xitoy, Hindiston va Pokiston a'zo blok Pekinda asoslangan. Afg'oniston, Belarus, Mongoliya va Eron - kuzatuvchi davlatlar.

Bosh kotib uch yilga saylanadi. Nomzodni a'zo davlatlarning tashqi ishlar vazirlari ko'rsatadi va ularning maxsus kengashi ma'qullashi lozim.

Bosh kotib tashkilot faoliyatini boshqarib, tahliliy, yuridik va texnik masalalar bilan bog'liq jarayonlarga rahbarlik qiladi.

Xo'sh, O'zbekiston diplomati bu blok tepasiga kelishi nimani anglatadi?

Norov tashkilotning bugungi rolini nimada ko'radi?

O'zbekistonda Shanxay-8 dan nima istaydi?

Blok o'zi qanday tashkilot? Siyosiy harbiy, iqtisodiy yoki madaniy? Yo hammasi?

Tashkilotning maqsadi nima?

Strategik va mintaqalararo tadqiqotlar instituti, Toshkent, 14-dekabr, 2018
Strategik va mintaqalararo tadqiqotlar instituti, Toshkent, 14-dekabr, 2018

G'arb hukumatlari va ekspertlari bu blokka NATO, Shimoliy Atlantika Shartnomasi Ittifoqiga qarshi tuzulgan alyans sifatida qarashadi. Uni Rossiya va Xitoy uchun o'z qudratini eslatib turuvchi platforma, real olib qaraganda, zaif bir guruh deya ham ta'riflashadi.

Yana bir qayd shuki, blok huquqbuzar davlatlar jamlanmasi. Ayrim tahlilchilar nigohida bu - Moskva va Pekin turli taraflarga tortadigan, maqsadi mavhum, oradagi nimjon mamlakatlar arosatda o'tiradigan doira.

Vladimir Norov yangi lavozimiga tayyorlanar ekan, "Amerika Ovozi" bilan Toshkentda yuzma-yuz muloqot qildi. O'zbekiston Prezidenti huzuridagi Strategik va mintaqalararo tadqiqotlar institutida gaplashar ekan, bir soatdan oshiq davom etgan intervyuda Norov nafaqat Shanxay Hamkorlik Tashkiloti balki O'zbekistonning bugungi va kechagi tashqi siyosati, o'zi boshida turgan diplomatik tashabbuslar va amalga oshirgan qarorlar, G'arb bilan 2005-yillardan keyingi uzoqlashuv, Shavkat Mirziyoyev rahbarlikka kelgach boshlangan yaqinlashuv, yangilangan sherikliklar, islohotlardagi ustuvor vazifalar va maqsadlar, ularni ro'yobga chiqarish yo'lida turgan to'siqlar, bugungi O'zbekiston va hukumat tayanayotgan izlanish va tahlil xususida suhbatlashdi.

Norov so'zi bilan aytganda, mamlakat bugun misli ko'rilmagan jarayonlarni boshdan kechirmoqda. Bugungi siyosat, deydi u, tamomila yangi va uni amalga oshirish hukumat va xalq uchun birdek sinov va tajriba.

"O'zgarishlar vaqtincha emas", - deydi Norov, bu boradagi savollarga javob berar ekan.

O'tmishdagi ayrim qadamlarni hamon to'g'ri deb hisoblovchi arbob G'arb ham O'zbekiston bosib o'tgan yo'ldan saboq olishi mumkin, deya ta'kidlaydi.

Norov fikricha, Xitoydek yirik davlatlar bilan hamkorlik qilishdan O'zbekiston har jihatdan manfaatdor.

"Amerika Ovozi" undan Toshkent hamkor sifatida kimni ma'qul ko'radi deb so'ramadi. Aksincha, bu suvi chiqib ketgan savolni chetga surib, O'zbekistonning yetakchi diplomati sifatida jahon sahnasiga chiqayotgan Norovning dunyoqarashi, mafkuraviy yondashuvi, siyosiy tahlili va oldidagi maqsadlari bilan qiziqdik. Tomosha qiling!

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi ilk teledasturlar muallifi. TV, radio va onlayn diktor, prodyuser, muxbir va muharrir. O'zbekistonda akkreditatsiyadan o'tgan, ya'ni respublikadan turib axborot berish imkoniyatiga yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, editor, web editor, and producer, she has covered Central Asia and America for nearly 20 years on TV, radio and online. For the last year, she has also been reporting from inside Uzbekistan as the only and first-ever accredited U.S.-based journalist. Navbahor is also the founding President of the VOA Women’s Caucus. Educated in Uzbekistan, India, and at Harvard University, she was a 2016-17 Edward S. Mason Fellow at Harvard’s John F. Kennedy School of Government, where she also earned her Masters in Public Administration. Navbahor played a pivotal role in the launch of Uzbek television programming at VOA in 2003 and has since presented more than 800 editions of the flagship weekly show “Exploring America,” which covers American foreign policy for some 40 million Uzbek speakers worldwide, focusing on U.S. relations with Central Asia and life and politics in the United States. She has co-hosted VOA-wide special broadcasts for a global audience. She has received multiple awards for excellence in broadcasting, including the VOA Gold Medal in 2010. As a multimedia journalist, with millions of viewers, listeners, followers, and fans, Navbahor writes and speaks frequently on Uzbek domestic politics, foreign policy, and society, as well as regional issues in Central Asia, for policy, academic, and popular audiences. Her essays have appeared in leading journals, including Foreign Policy, The National Interest, and The Diplomat, and she has lectured at institutions including the U.S. Foreign Service Institute, Columbia University, Johns Hopkins University, Georgetown University, and George Washington University. Navbahor began her career at the Uzbek state broadcaster as a reporter and producer. She taught journalism at her alma mater, the Uzbek State University of World Languages in Tashkent, and then earned a B.A. in journalism and mass communication from Maharaja’s College at the University of Mysore in India. A recipient of the Edmund Muskie Fellowship, she earned her MA in journalism from Ball State University. In 2009, Ball State’s journalism department named her an Outstanding Young Alumna.

Facebook Forum

Shu mavzuda

XS
SM
MD
LG