Breaking News

O'zbekiston: Majburiy mehnatga qarshi kurash va ayollar hayotini yaxshilash - asosiy vazifalar


O'zbekiston delegatsiyasi Vashingtonda nafaqat AQSh hukumati idoralari, balki xalqaro tashkilotlarda ham bo'ldi

O'zbekiston Bosh vaziri o'rinbosari, Xotin-qizlar qo'mitasi raisi Tanzila Norboyeva "Amerika Ovozi" bilan Vashingtonda suhbatlashar ekan, AQSh poytaxtidagi muzokaralarini samarali deya ta'rifladi. Respublikadagi jarayonlarga qiziqish yuqori, deydi u, xususan O'zbekistonda majburiy mehnatga qarshi qanday choralar ko'rilayotgani va ayollarni qiynayotgan muammolarga qarshi kurash qay pallada ekaniga.

Tanzila Norboyeva: Majburiy mehnat bora-bora tamoman yo'qoladi
Iltimos, kuting...

No media source currently available

0:00 0:28:55 0:00

Norboyeva deydiki, majburiy mehnatga barham berish va xotin-qizlar uchun imkoniyatlarni kengaytirish - davlat oldidagi asosiy vazifalar. Demak, xalq bu o'zgarishlarni his qila boshlashi kerak. Xo'sh, hozirgacha nima o'zgardi, nima o'rgarmadi?

Norboyeva bilan Toshkentdan Bandlik va mehnat munosabatlari vaziri Sherzod Kudbiyev ham keldi. Delegatsiya avvalo majburiy mehnatga qarshi targ'iboti bilan tanilgan xalqaro koalitsiya - "Paxta kampaniyasi" bilan muzokara qildi. Bu koalitsiyaga O'zbekiston paxtasini boykot qilgan o'nlab bizneslar va mamlakat "oq oltini" ekspluatatsiya mahsuli deya bong urib kelayotgan huquq tashkilotlari kiradi. "Paxta kampaniyasi" nazarida respublikada muammoga qarshi kurashda qator yutuqlar bor, lekin muammoni yengish uchun hali ko'p ishlash kerak. Bu degani boykot hali-beri bekor qilinmaydi.

"Amerika Ovozi" bilan suhbat, O'zbekistonning AQShdagi elchixonasi, Vashington, 6-fevral, 2019
"Amerika Ovozi" bilan suhbat, O'zbekistonning AQShdagi elchixonasi, Vashington, 6-fevral, 2019

​Norboyeva va Kudbiyev Oq uy, AQSh Davlat departamenti va Mehnat vazirligi, Jahon banki va Xalqaro Mehnat Tashkilotiga ham tashrif buyurib, mutasaddilar bilan uchrashdi.

O'zbekistonda islohotlar qay pallada? Tizim oldidagi masalalar, iqtisodiyot va qishloq xo'jaligida tanishtirilayotgan dasturlar, shuningdek, fuqaro jamiyatini rivojlantirish uchun tashlanayotgan qadamlar muhokama qilindi.

2018-yilda paxta terimi davrida qanday muammolar yaqqol ko'zga tashlandi? Hukumatning o'zi jarayonni qanday baholamoqda?

Kasaba uyushmalari mamlakatda bugun qanchalik mustaqil?

Xotin-qizlar hayoti o'tgan ikki yil ichida qanchalik yaxshilandi?

Ayollarning jamiyatdagi rolini oshirish uchun Norboyeva raisligidagi qo'mita nima qilmoqda?

Bosh vazir o'rinbosari bilan suhbatda bu va boshqa savollarga javob izladik. Tomosha qiling.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 900 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

XS
SM
MD
LG