Breaking News

Huquq tashkilotlari: O'zbekiston o'zgarishga intilmoqda


Toshkent xalqaro huquq tashkilotlari bilan nima haqda gaplashmoqda?
Iltimos, kuting...

No media source currently available

0:00 0:09:26 0:00

Huquq tashkilotlari: O'zbekiston o'zgarishga intilmoqda

O'zbekiston hukumati va mahalliy huquq tashkilotlari bilan muloqot olib borayotgan ikki xalqaro organga ko'ra, Toshkent ular bilan xo'jako'rsinga gaplashayotgani yo'q. O'zgarish qilishga intilayotganlar ko'p, xususan mansabdorlar orasida, deydi "Human Rights Watch" (HRW) tashkiloti eksperti Stiv Sverdlov (Steve Swerdlow). Norvegiya Xelsinki qo'mitasining Markaziy Osiyodagi vakili Marius Fossum fikricha esa hozir - hamkorlikning ilk bosqichi. Bu organlar qanday yordam bera oladi? O'zbekiston nima istaydi? Mamlakat faqat hukumat emas, deydi bu mutaxassislar, fuqaro jamiyati xalq dardini aks ettiruvchi tizim sifatida oyoqqa turishi kerak.

'Amerika Ovozi" bilan Toshkentdagi muzokaralar orasida gaplashgan Fossum va Sverdlov Tashqi ishlar, Ichki ishlar, Adliya va boshqa vazirliklar bilan aloqada, shuningdek, Ombudsman idorasi, islohotlarni targ'ib qiluvchi "Taraqqiyot strategiyasi" markazi hamda "Yuksalish" milliy harakati bilan rishtalar o'rnatgan.

"Qay jihatdan yordam bera olsak, beramiz. Islohotlar samara berishini xohlaymiz", - deydi Fossum.

Uning qayd etishicha, fuqaro jamiyati va matbuot erkinligi kengaymasa, hozirgi jarayonlar ish bermaydi. Sverdlov tahlilicha, hukumat buni tushunadi.

O'zbekiston bu xalqaro tashkilotlar bilan o'z imijini yaxshilash uchungina gaplashayotgan yoki hamkorlik qilayotgan bo'lsa-chi?

"Uchrashuv va muloqotlardan bilamanki, hukumatda o'zgarishlar sari sidqidildan harakat qilayotgan juda ko'p, turli yoshdagi, turli lavozimlardagi", - deydi HRW vakili.

Huquq tashkilotlarining asosiy vazifasi adolat targiboti, hukumat yoki davlat imijini mustahkamlash emas, deya eslatadi u.

"Hukumat o'z nufuzi oshishini, mamlakatda ko'proq sarmoya va sayyoh kelishini istaydi, bu aniq. Lekin biz bilan buning uchungina muzokara olib borayotgani yo'q. Biz - tanqidiy ovozmiz. Biz xatolarni ko'rsatamiz. Tuzatish uchun tavsiyalar beramiz. Huquqbuzarlik holatlarini fosh etamiz. Xalqaro majburiyatlarni eslatib turamiz. Xalqaro qadriyatlarga urg'u beramiz," deydi Sverdlov.

Marius Fossum va Stiv Sverdlov Toshkentda, aprel, 2019
Marius Fossum va Stiv Sverdlov Toshkentda, aprel, 2019

Fossum ham huquq tashkilotlari va hukumat orasida konstruktiv yondashuvga asoslangan hamkorlik zarurligiga urg'u beradi. Harakatlarni susaytirmaslik kerak.

"Hukumat fuqaro jamiyati va matbuotga yo'lni kattaroq ochaverishi, erkinlikka yo'l berishi va shu yo'ldan borsa, mamlakat real tarzda taraqqiy etishini anglashi zarur", - deydi Norvegiya huquq tashkiloti vakili.

Bu ekspertlar O'zbekiston qamoqxonalarida siyosiy sabablar, ya'ni muxolif qarashlari uchun qamalgan minglab odamlar bor, deya ta'kidlab turibdi.

'Mahbuslarni ozod etish jarayoni davom etmoqda. O'zbekiston nafaqat xalqaro balki mahalliy bosimga ham javob bermoqda", - deydi Sverdlov.

Chiqayotganlarning arzi tinglanishi, ular normal hayotga qaytishi uchun sharoit yaratib berilishi zarur, deya undamoqda bu mutaxassislar. Oson bo'lmaydi, lekin islohotlar jarayoni mahbuslar reabilitatsiyasini ham ko'zda tutishi kerak.

"Hukumat bilan bu borada gaplashayapmiz", - deydi Sverdlov. "Eng qiyin ishlar oldinda".

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy and The National Interest. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

XS
SM
MD
LG