Breaking News

O'zbekiston-Qozog'iston chegarasida: G'ishtko'prik postidagi vaziyat


Chegaradan maxsus dastur: O'zbekiston-Qozog'iston
Iltimos, kuting...

No media source currently available

0:00 0:43:02 0:00

Chegaradan maxsus dastur: O'zbekiston-Qozog'iston

O'zbekistonning eng uzun chegarasi Qozog'iston bilan: 2330 kilometr. Eng ko'p qatnov ham shu ikki mamlakat orasida. O'zbekistonning eng gavjum chegara-bojxona majmuasi: G'ishtko'prik posti, Toshkent viloyati. Kuniga 25-30 ming odam o'tadi. Chegara va bojxona xizmati haqida odamlar nima deydi? Tizim bu yerda qanchalik o'zgargan?

O'zbekiston chegaralarida: Qozog'iston
Iltimos, kuting...

No media source currently available

0:00 0:43:02 0:00

Bojxona va chegara xavfsizligi xizmatchilari "Amerika Ovozi"ga jarayon bilan tanishishiga monelik qilmadi. Yo'lovchilar bilan bemalol gaplashdik. Mutasaddilar ham savollarimizga javob berishdi.

Odamlar, umuman olganda, bugungi sharoitdan mamnun. O'tgan ikki yil ichida o'tish ancha osonlashdi, xizmat tez va talabga javob beradi, degan fikrlar ko'p yangradi. Yagona katta shikoyat: O'zbekistonga olib kiriladigan yuk qiymati 300 dollardan oshmasligi kerakligi. Odamlar 5000 dollargacha qiymatga ega mahsulot olib chiqib ketishi mumkin.

Importga cheklov qo'yilgani ayniqsa mahalliy aholi uchun qiyin, deydi chegara osha tirikchilik qiladigan tadbirkorlar. "Amerika Ovozi" bu borada bojxona rasmiylaridan so'radi. Javoblar ko'rsatuvda.

Toshkent viloyati Bojxona boshqarmasi boshliq o'rinbosari Rustam Habibovning tushuntirishicha, ikki respublika orasida 6 ta avto va yo'lovchi chegara bojxona posti yoki chegara o'tkazish punkti mavjud. Aeroport va temir yo'lni hisobga olmaganda.

Shulardan uchtasi Toshkent viloyatida va bittasi Qoraqalpog'istonda. Yallama Chinozda bo'lib, kuniga 300-350 ta yuk avtomashinasi harakatlanadi.

"Amerika Ovozi" yaqindan tanishgan G'ishtko'prik esa yo'lovchi, yengil avto va avtobusga moʻljallangan. Kuniga kamida 20 ming odam o'tadi. 35 avtobus, 500 ga yaqin yengil mashina.

Kelesda Navoiy posti bor. 300 ta yuk avtomashinasi, 7000-7500 yo'lovchiga xizmat qiladi.

Qibraydagi Najimov postidan esa kuniga kamida 250 ta yuk avtomashinasi va 5000 yo'lovchi kirib chiqadi .

Sirdaryodagi postdan yuk o'tadi. Qoraqalpog'istondagi Daut-ota punktida esa kuniga 150 ta yukli, 250 ta yengil mashina qatnovi kuzatiladi.

Barcha postlar xalqaro maqomga ega, deydi Habibov, chunki nafaqat ikki davlat fuqarolari balki dunyoning barcha burchaklaridan kelayotgan sayyohlarga ham ochiq.

Postlar kunu-tun ishlaydi. Ayni damda Yallama va G'ishtko'prikda ta'mirlash ishlari ketyapti. Najimov va Navoiyda ham remont boshlanadi, ularni kengaytirish rejalangan.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy and The National Interest. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

XS
SM
MD
LG