Breaking News

Xitoy global liderlikka erishish uchun nimalar qilmoqda?


Kiber hujum namunasi

AQSh siyosatini aks ettirgan rasmiy maqola

“Xitoy AQSh milliy xavfsizligi va iqtisodiy barqarorligiga uzoq yillar mobaynida eng yirik tahdid uyg’otib kelayotgan davlat bolib qolmoqda”, - deydi Federal qidiruv byurosi direktori Kristofer Rey.

Xitoy Kommunistik partiyasi global maydonda iqtisod va texnologiya bo’yicha liderga aylanish uchun ko’p tarmoqli kampaniya ishiga zo’r bermoqda, deydi Rey:

“Afsuski, Xitoy ana shu maqsad uchun qonuniy innovatsiya, adolatli raqobat, AQShda e’zozlanganidek, fuqarolarning so’z, fikr va ijodiy erkinligini ta’minlash bilan kurashayotgani yo’q. Aksincha, butun davlat miqyosida har qanday qabih ishlardan tap tortmagan holda yagona yetakchilik uchun intilmoqda”.

Qidiruv e'lon qilingan Xitoy xakerlari. 20-dekabr, 2018.
Qidiruv e'lon qilingan Xitoy xakerlari. 20-dekabr, 2018.

Reyning ta’kidlashicha, Pekin iqtisodiy josuslik, xakerlik hujumlari, intellektual mulkni o’g’irlash, pora va shantaj vositasida dunyoni zabt etishga urinmoqda. AQShning siyosiy nufuziga zarba berish, mamlakatdagi demokratik jarayonlar va qadriyatlarni toptash uchun barcha nayranglarni ishga solmoqda.

Federal qidiruv byurosi rahbariga ko’ra, bu johillik uchun Xitoy Kommunistik partiyasi javobgar:

“Xitoy xalqini ham, AQShning asli xitoylik bo’lgan fuqarolarini ham ayblash fikridan yiroqmiz. Shu kunga qadar necha-necha avlodlar Xitoydan AQShga kelib, erkinlik ne’matidan bahramand bo’lgan, jamiyat taraqqiyotiga hissa qo’shgan”.

AQSh Federal qidiruv byurosi direktori Kristofer Rey
AQSh Federal qidiruv byurosi direktori Kristofer Rey

Xitoy hukumati va Kommunistik partiyasi qonun ustuvorligi tamoyillarini qo’pol ravishda buzmoqda. Kristofer Rey Xitoy rahbari Si Zinpin korrupsiyaga qarshi joriy etgan “Tulki ovi” dasturiga quyidagicha izoh berdi:

“Tulki ovi” aslida Pekinning xorijdagi xitoyliklarga qarshi qaratilgan dasturi. Xususan, Xitoy hukumatining inson huquqlarini beayov toptashini fosh qilayotgan tanqidchilar va muxolif kuchlarni qo’lga olish va jazolashni nazarda tutadi”.

Xitoy qamoqxonalarida 2017-yilda o'ldirilgan dissident Lyu Syaobo
Xitoy qamoqxonalarida 2017-yilda o'ldirilgan dissident Lyu Syaobo

Pekin o’ziga dushman deb bilgan xorijdagi shaxslarni Xitoyga qaytarish uchun bosim o’tkazmoqda. Ularning oila a’zolarini hibsga olish bilan turli shartlarni qo’ymoqda.

“Xitoy tahdidiga qarshi samarali kurash Pekin bilan aloqalarni batamom uzishni anglatmaydi. Biroq Xitoy AQSh qonunlari va xalqaro normalarni buzsa, biz albatta chora ko’rishimiz aniq. Federal qidiruv byurosi va AQShga sherik tomonlar Xitoyni javobgarlikka tortish uchun kurashadi. Amerika xalqining innovatsion g’oyalari, mafkurasi va hayot tarzi mustahkam himoya ostida”, - dedi Rey.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG