Breaking News

"Jurnalistlar dushman emas"


O'zbekistonda matbuot erkinligi uchun kurashning yana bir murakkab pallasi. Bu oy O'zbekiston Respublikasi Prezidenti huzuridagi Axborot va Ommaviy Kommunikatsiyalar Agentligi qator nodavlat ommaviy axborot vositalariga ogohlantirish xatlari yo'llab, ularni noprofessional faoliyatda ayblagan.

"Kun.uz", "Gazeta.uz", "Qalampir.uz", "Daryo.uz" va boshqalar o'z jurnalistlari va materiallarini himoya qilmoqda.

Hukumat mustaqil matbuotga qizil chiziqlarni eslatib, bosimni ushlab turibdi.

27-noyabr kuni agentlik bayonot chiqarib, o'z qadamlarini himoya qildi.

Unda jumladan shunday deyiladi:

"So‘z va OAV erkinligini ta’minlash O‘zbekiston siyosatining ustuvor yo‘nalishi hisoblanadi. Mamlakatda axborot sohasini demokratlashtirish, xalq bilan muloqotni yo‘lga qo‘yish, axborot olishni kengaytirish borasida faol sa’y-harakatlar amalga oshirilmoqda.

Bugungi kunda ommaviy axborot vositalari aholiga jamoatchilik uchun zarur bo‘lgan axborotni faol va muvaffaqiyatli etkazib bermoqda, mamlakatimizda amalga oshirilayotgan keng ko‘lamli o‘zgarishlarni har tomonlama yoritib bormoqda va bunda fuqarolarning dolzarb muammolarini hal etishga yaqindan e’tibor qaratmoqda.

Shunga ko‘ra, AOKA o‘z vakolatlari doirasida bugungi kunda "to‘rtinchi hokimiyat" rolini haqli ravishda bajarishga kirishayotgan ommaviy axborot vositalari manfaatlarini doimo qo‘llab-quvvatlagan va quvvatlashda davom etadi.

Biroq keyingi paytlarda, ayrim ommaviy axborot vositalari, ijtimoiy tarmoq va turli messenjerlarda tasdiqlanmagan axborotlarni chop etish kuzatilmoqda, yolg‘on ma’lumotlarni tarqatish faktlari mavjud. Ushbu masala yuzasidan Agentlik tomonidan 2020-yil 10-oktabr, 19-oktabr hamda 11-noyabr kunlari “Ommaviy axborot vositalari to‘g‘risida”gi, “Axborot erkinligi printsiplari va kafolatlari to‘g‘risida”gi, “Jurnalistlik faoliyatini himoya qilish to‘g‘risida”gi, “Shaxsga doir ma’lumotlar to‘g‘risida”gi, “Davlat tili haqida”gi, “Yoshlarga oid davlat siyosati to‘g‘risida”gi, “Iste’molchilarning huquqlarini himoya qilish to‘g‘risida”gi va boshqa qonunlarning tegishli moddalari talablariga mos kelmaydigan faktlarni ko‘rsatgan holda alohida bayonotlar berilgan edi."

"Qalampir.uz" asoschisi va direktori Qamariddin Shayxov "Amerika Ovozi" bilan muloqotda deydiki, bugungi jurnalistika bugungi O'zbekistonni aks ettiradi. O'tgan to'rt-besh yilda xalq ishonchini qozongan yangi matbuot naqadar xolis va haqqoniy ma'lumot berish mumkin bo'lsa, shunga harakat qilmoqda.

Davlat esa ularning taraqqiy etib, professionallashishi uchun yordam berish o'rniga, ularni qo'rqitish bilan band.

"Jurnalistlar dushman emas", - deydi Shayxov. Uning fikricha, matbuotni ezish davlatni xalqdan yanayam uzoqlashtiradi.

AQShning O'zbekistondagi elchisi Daniel Rozenblum O'zbekistonda mustaqil matbuotga nisbatan Axborot va Ommaviy Kommunikatsiyalar Agentligi yondashuvini salbiy baholab, hukumatni erkin jurnalistika yo'liga to'siq qo'ymaslikka chaqirmoqda.

O'zbekiston yuksak maqsadlar yo'lida islohotlar boshlagan ekan, deydi u, OAVga bosim bu yo'nalishga mos emas.


O'tgan hafta ichida Toshkentda G'arb davlatlari elchilari va BMT vakili agentlik tashlayotgan qadamlarni qoralab chiqdi.

Bugungi bosimlar ortida kimlar va qanday siyosiy-ijtimoiy omillar turibdi? Prezident Shavkat Mirziyoyev bir tomondan matbuot kuchaysin va olg'a siljisin, deydi. Ikkinchi tomondan esa hukumat matbuot ustidan nazoratni keskinkashtirmoqda. Muddao nima? Intervyuni tomosha qiling.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 900 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

XS
SM
MD
LG