Breaking News

Pompeo, Komilov telefonlashdi


Toshkent, 3-fevral, 2020

O'zbekiston va Amerika tashqi ishlar vazirlari bugun telefonda muloqot qilgan. 16-21 noyabr kunlari Toshkentdan rasmiy delegatsiya Vashingtonda bo'lib, muzokaralar olib borgan edi.

Davlat departamentining bildirishicha, Tashqi ishlar vaziri Abdulaziz Komilov va Davlat kotibi Mayk Pompeo orasidagi bugungi suhbatda AQSh tomon O'zbekiston mustaqilligi, suvereniteti va hududiy yaxlitligini quvvatlashini eslatgan.

Prezident Shavkat Mirziyoyev boshlagan islohotlar davom etishi va jadallashishiga umid bildirgan Pompeo Amerika respublikani taraqqiy ettirishga qaratilgan jarayonlarni olqishlashini aytgan.


Pompeo inson huquqlari, diniy erkinlik, inson savdosiga qarshi kurash, fuqaro jamiyati va jurnalistlar uchun sharoitni yaxshilash, erkinliklarni kengaytirish xususida ham alohida to'xtalgan.

Komilov AQSh eksportchilari va investorlari uchun imkoniyatlar hamda mamlakatda xususiylashtirish bilan bog'liq masalalarni qayd etgan.

O'zbekiston va Amerika bosh diplomatlariga ko'ra, siyosiy-iqtisodiy hamkorlik, shuningdek, xavfsizlik va inson manfaatlari bilan bog'liq yo'nalishlar bugungi rishtalarning asosiy asosidir.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG