Breaking News

O'zbekistonning "Mehr" operatsiyasi ortidagi insonlar


Sirdaryodan Rossiyada ishlayotgan erining oldiga ketgan Yulduz Usmonova Suriyadan O'zbekistonga sakkiz bola bilan qaytdi

O’zbekiston 2019-yildan beri Suriya, Iroq va Afg’onistondagi qaynoq nuqtalardan 435 fuqarosini olib keldi, xususan onalar va bolalar. Fuqaro deganda bu yerda asl vatanini O’zbekiston deb biladiganlar nazarda tutilmoqda, chunki bu insonlarning qo’lida biror hujjati yo’q, bo’lsa ham yaroqsiz.

Ular maxsus reyslarda Toshkentga qaytgach to’g’ri “Bo’ston” sanatoriysiga olib boriladi. Toshkent viloyatidagi bu maskanda ular bilan 100 ga yaqin xodim ishlaydi, jumladan qariyb 40 nafar tibbiy mutaxassis. Asosiy e’tibor kelganlarning ruhiyatiga qaratiladi.

BMTning bolalar tashkiloti UNICEF bilan hamkorlikda yo’lga qo’yilgan reabilitatsiya dasturi bu sanatoriyda odatda bir oy davom etadi. Keyin bu onalar va bolalar yaqinlarining oldiga yo’l oladi. Chin yetim qolgan avlodning yaqinlari qidiriladi. Bu jarayonda ham UNICEF texnik va moddiy ko’mak ko’rsatadi. Maqsad, deydi mutasaddilar, bolalar yetimxonaga emas, qarindoshlari qo’liga borsin. Davlat ularga ijtimoiy himoya berishi lozim. Hamma yangi hujjat oladi.

Qaytarilayotganlar o’zi kimlar? Bu ayollar va go’daklarning ovozini eshitish, ular bilan yaqindan tanishish uchun “Amerika Ovozi” reabilitatsiya maskaniga bordi. O’z qissasini hikoya qilishni istaganlar bilan suhbatlashdi.

So’ngra esa Oliy Majlis Qonunchilik palatasi a’zolari bilan gaplashdik. Qonunchilar “Mehr” operatsiyasi, uning maqsadlari, jarayon, oqibatlar va davlat zimmasidagi mas’uliyatni qanday talqin qiladi, qanchalik tushunadi? Kelajakda erkaklar ham qaytarilishi mumkinmi?

“Amerika Ovozi”, shuningdek, “Mehr” operatsiyasini quvvatlab, O’zbekiston bilan hamkorlik qilayotgan BMT va AQSh diplomatlariga ham yuzlandi. Xususan BMTning Toshkentdagi bosh vakili Helena Freyzer va Amerika elchisi Daniel Rozenblumga murojaat qildi.

2019-yilda Suriyadan olib kelingan, turmush o’rtog’i o’sha yili portlashda o’lgan onaga ham quloq tutdik. Hozirda bolalari maktabga qatnayotgan, o’zi esa tibbiy sohada ishlayotgan bu ayol vataniga qaytsa, qamalishi mumkinligini anglagan, ammo urush maydonida yashagandan ko’ra, O’zbekistonda sudlanishga ham roziligini aytib, ona yurtiga intilgan. Keyin nima bo’ldi? O'zbekistondan maxsus dasturimizni tomosha qiling.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 900 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

XS
SM
MD
LG