Breaking News

Cho'lponning "Kecha va kunduz" romani Amerikada mutolaada


"Kecha va kunduz" shu kungacha ingliz, fransuz va rus tillariga tarjima qilingan
"Kecha va kunduz" shu kungacha ingliz, fransuz va rus tillariga tarjima qilingan

Abdulhamid Sulaymon o'g'li Cho'lpon 1936-yilda yozgan "Kecha va kunduz" romani 2019-yilda AQShda ingliz tilida chop etilgan. Tarjimon - 2015-2016 yillarda O'zbekistonda izlangan amerikalik adabiyotshunos Kristofer Fort.

22-noyabr kuni O'zbekistonning Vashingtondagi elchixonasida o'tgan badiiy kechada Fort bu loyiha haqida bafurja so'zlab berdi.

Cho'lpon 1897-yilda Andijonda tug'ilgan. Rus imperiyasi hukmronligidagi Turkistonda ta'lim olib, ma'rifat targ'ibotchisi, jadid shoir va yozuvchi sifatida tarixga kirgan. O'nlab safdoshlari qatorida Stalin qatag'oni qurboni bo'lgan. Toshkentda 1938-yilda qatl etilgan.

Uning asarlari Amerika universitetlari va ilmiy markazlarida Markaziy Osiyo adabiyoti, tarixi va madaniyatini o'rganayotgan avlodga begona emas. Chunki 20-asrning birinchi yarmidagi tahlikali davrni o'qiyotgan talabalar jadidlar, xususan Cho'lponga alohida nazar tashlaydi.

Badiiy kecha tashkilotchilaridan biri, "Oxus" Markaziy Osiyo tadqiqot jamiyati rahbari Edvard Lemon so'zlariga ko'ra, G'arbda Cho'lponning shaydolari talay.

Fort tahlilicha, jadidlar xalqni g'aflatdan uyg'onishga undagan, buning uchun esa ilmga urg'u berish kerak edi. Ammo bu jarayon qayerda qay yo'sinda boshlanar edi? Mana shu murakkab savol, zamon jumbog'i, "Kecha va kunduz" mazmunidir, deya mushohada yuritadi u.

Fort uzoq tanaffusdan keyin O'zbekiston va AQSh orasidagi "Fulbright" ta'limiy almashinuv dasturi doirasida respublikaga borib, milliy adabiyotni o'rgangan; hamkasblar bilan bog'lanib, professional hamkorlikni yo'lga qo'ygan.

Fort hozirda Bishkekda joylashgan Markaziy Osiyodagi Amerika universitetida dars beradi. O'zbek va rus tillarida bemalol gaplashadigan mutaxassis deydiki, zamonaviy o'zbek adabiyoti ham unga bag'oyat qiziq.

Amerikalik kitobxonlar uchun ularni ingliz tiliga o'g'irish yuksak ahamiyat kasb etadi, deydi u, "Amerika Ovozi" bilan suhbatda.

Fort hozirda Abdulla Qahhorning asarlarini inglizchaga tarjima qilish bilan band. Bu loyihalar vaqt, resurs hamda O'zbekistondagi adiblar va olimlar bilan yaqindan ishlashni talab etadi.

Suhbatda tarjimon "Kecha va kunduz" va Cho'lpon haqidagi o'ziga xos tahlili bilan o'rtoqlashdi.

O'zbekistonning AQShdagi elchixonasida Cho'lponga bag'ishlangan badiiy kecha, Vashington, 22-noyabr, 2022
O'zbekistonning AQShdagi elchixonasida Cho'lponga bag'ishlangan badiiy kecha, Vashington, 22-noyabr, 2022

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

XS
SM
MD
LG