Turkiya Ukrainani energetik inqirozdan qutqarishi mumkin

Rossiya kuchlari Ukraina fuqarolari hayotiga tahdid solishda davom etar ekan, qahraton qish chillasida energetik infrastrukturani izdan chiqarishga, mamlakatni taslim qilishga urinmoqda.

“Ular ko’proq ukrainlarni bevosita qurbon qilish uchun elektr, issiqlik va suv ta’minotidan uzib, og’ir ahvolga solish payida”, - deydi Demokratik tashabbuslar fondi vakili Petro Burkovskiy.

Turkiyaning ko’chma elektr stansiya kemalarini ishlab chiqaradigan “Karpowership” kompaniyasi Ukrainani energetik inqirozdan saqlab qolishi mumkin. Kemalar millionlab xonadonga elektr quvvatini yetkazib berishga qodir.

Embed share

Xalqaro hayot - 20-yanvar, 2023-yil

Embed share

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:10:56 0:00

Yuklab oling

• 240p | 28,9MB
• 360p | 44,2MB
• 480p | 72,7MB
• 720p | 165,7MB
• 1080p | 224,9MB

“Ukrenergo” kompaniyasi va Odessa rahbariyati bilan muloqotdamiz. Ukrainaga jami 300 megavat kuchga ega kemalarni yo’llashga tayyormiz. 100 megavatlik ko’chma stansiya Odessani elektr bilan ta’minlashi, qolganlari yaqin hududlarga xizmat qilishi mumkin”, - deydi “Karpowership” kompaniyasidan Zeynep Yilmaz.

Rossiya Ukraina elektr stansiyalarini vayron qilishda davom etar ekan, yirik generatorlarga jiddiy ehtiyoj bor.

“Ayni damda Ukrainada elektr ishlab chiqarish hajmi keskin qisqargan. Ko’plab issiqlik va gidro-elektr stansiyalari vayronaga aylangan. Talabni qoplay olmayapmiz. Bu jiddiy muammo. Mamlakat bo’ylab ta’minot uzulgan”, - deydi “Ukrenergo” rahbari Volodimir Kudritskiy.

Biroq ko’chma elektr stansiyalari himoyasini kafolatlash muhim. Anqara Moskva bilan iliq diplomatik aloqa o’rnatgan, biroq bu iliqlik kemalar nishonga olinmasligiga kafolat emas. Kompaniya masalaga yechim izlamoqda.

“Turli tomonlar bilan muzokaradamiz. Xususan, AQSh tashkilot va idoralari, Moldova va Ruminiya hukumati bilan. Bu ikki mamlakat portlaridan Ukrainaga elektr yetkazish imkoniyatlarini izlayapmiz”, - deydi Yilmaz.

“Karpowership” 30 kun ichida kemalarni sozlab, Ukrainaga elektr quvvatini yetkazib berishni boshlashga tayyor turibdi. Biroq to’lov masalasi yana bir muammo.

“Xizmat uchun to’lovni Ukraina hukumati yoki biror xalqaro tashkilot qoplashi hozircha mavhum”, - deydi Burkovskiy.

Qish qahratoni kuchayib, Rossiya qo’shinlari Ukraina infratuzilmalariga qarshi hujumni oshirar ekan, o’tayotgan vaqt Kiyev zarariga ishlamoqda.