Breaking News

BMT Afg'oniston hukumatidagi ziddiyatdan xavotirda


2014-yil 21-sentabr kuni olingan bu suratda Afg'onistonning ikki rahbari tsvirlangan.
2014-yil 21-sentabr kuni olingan bu suratda Afg'onistonning ikki rahbari tsvirlangan.

Afg'on rasmiylariga ko'ra, hukumatdagi ichki ziddiyatlar hal qilinadi.

Bunday bayonot BMT Afg'onistondagi Prezident Ahraf G'ani va Bosh ijrochi Abdulla Abdulla o'rtasida kelgan mojaro atrofidagi siyosiy vaziyatni xavfli deb ataganidan keyin qilindi.

2014-yilda AQSh vositachiligida, natijalarini aniqlash qiyin bo'lgan saylovlardan so'ng, milliy birdamlik hukumati tuzilgan. G'ani va Abdulla mamlakatni birgalikda boshqarishi kerak edi.

Abdulla deydiki, G'ani jiddiy siyosiy masalalarda u bilan maslahatlashmaydi. Prezident esa bunday iddaolarni inkor etadi.

Afg'onistonda saylov uchastkasi xodimlari. 2014-yil
Afg'onistonda saylov uchastkasi xodimlari. 2014-yil

BMT da'vatlari

BMTning Afg'onistondagi missiyasi (UNAMA) rahbari Tadamichi Yamamoto siyosiy barqarorlik murosa talab qiladi deb keladi.

“Hozirgi noaniq vaziyat, shu jumladan ikki rahbar o'rtasidagi mojaro hal qilinishi kerak. Uzoq muddatli barqarorlikni saqlab qolishning yo'li topilmasa bo'lmaydi", - deydi Yamamoto bu hafta BMT Xavfsizlik kengashi yig'inida.

Abdullaning matbuot kotibi Javid Faysal esa siyosiy fikrlardagi farq mamlakat farovonligi yo'lida xizmat qiladi va siyosiy inqiroz alomati emas, deydi.

"Prezident va bosh ijrochi milliy birdamlik hukumatida sherik. Birgalikda ishlabgina muammolarni hal etishimiz va mushtarak maqsadlarga erishishimiz mumkin", - dedi Faysal.

2014-yilgi siyosiy bitim atrofidagi bahs keng jamoatcilikka ma'lum bo'lganidan beri G'ani va Abdulla to'rt marta uchrashdi.

Afg'on xavfsilzik kuchlari Kobulda huruj joyini tekshirmoqda. 2016-yil 6-sentabr.
Afg'on xavfsilzik kuchlari Kobulda huruj joyini tekshirmoqda. 2016-yil 6-sentabr.

Rahbarlar tinchlikni ta'minlashi kerak - afg'on xalqi uchun

UNAMA rahbari Tadamichi Yamamoto o'z nutqida afg'on hukumatining Gulbiddin Hikmatiyor yetakchiligidagi "Hizb-i-Islomiy" isyonchilar guruhi bilan murosaga erishishga qaratilgan samimiy urinishlarini yuqori baholadi.

O'tgan hafta Prezident G'ani tinchlik bitimi yaqin kelajakda imzolanishini bildirgan edi. Ammo Abdulla tarafdorlari Hikmatiyorni afg'on siyosiy jarayonlariga jalb qilishga qarshi.

Ammo Faysal bu ma'lumot noto'g'ri, deydi.

“Hukumat tayinlagan Oliy tinchlik kengashi "Hizb-i-Islomiy" bilan muloqotda. Yaqin kelajakda murosaga erishiladi, degan umiddamiz. So'ngra u guruh a'zolari Afg'onistonning tinch va farovon kelajagini qurishda ishtirok etadi", - deydi u.

Yamamoto fikricha Tolibon bilan ham jiddiy tinchlik muzokaralari olib borish uchun chora ko'rilishi kerak.

"Tinchlikka yo'l tezda va jiddiy yondashilib topilishi kerak. Men har ikkala tarafni shunga va Afg'onistonda nihoyat tinchlik o'rnatilishiga hissa qo'shishga undayman", - dedi BMT rasmiysi.

FILE - Members of Afghanistan's High Peace Council talk with delegates from the Hizb-e-Islami group (not pictured), during a meeting in Kabul, March 17, 2016.
FILE - Members of Afghanistan's High Peace Council talk with delegates from the Hizb-e-Islami group (not pictured), during a meeting in Kabul, March 17, 2016.


Siyosiy ziddiyatlar

Hikmatiyor 1980-yillarda mamlakatdagi Sovet qo'shinlariga qarshi kurash olib borgan va bu borada unga AQShning Markaziy razvedka xizmati qurol-aslaha bilan yordam bergan. So'ngra u Tolibon saflarida kurashib keldi. Al-Qoidaning AQSh qo'shinlariga qarshi hujumlarini qo'llab-quvvatlagani uchun u 2--3-yilda AQShning "global terrorchilar" ro'yxatiga kiritilgan.

G'ani hukumati sobiq dala qo'mondonlari bilan aloqalarga egaligi uchun tanqid qilinadi.

“Hikmatiyor jinoyatlari uchun jazolanmagan yagona qo'mondon emas. Dala qo'mondonlaridan hech biri javobgarlikka tortilmadi", - deydi "Human Rights Watch" tashkilotidan Patrisha Grossman. Samarali hukumat barpo etib, tinchlikni saqlab qolish uchun esa odamlarni qiynagan shaxslar jazolanishi kerak, deydi faol.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG