Breaking News

Afg'oniston dunyo ahlidan minnatdor, kelasi 10 yil yana unga tayanadi


Afg’oniston Tashqi ishlar vaziri Zalmay Rasul deydiki, kelasi o’n yillik uning xalqi uchun hayot-mamot uchun sinov bo’ladi va bu yurt dunyo ahlidan mislsiz yordam kutmoqda.

O'zbekiston - Qozog'iston - Afg'oniston - BMTdagi nutqlar 2013/Navbahor Imamova
Iltimos, kuting...

No media source currently available

0:00 0:09:49 0:00
Yuklab oling

“BMT shu paytgacha bizni har tomonlama quvvatlab keldi va oyoqqa turayotgan davlatimizning hamkori… Mamlakatimizni qayta qurib, jamiyatimizni rivojlantirish yo’lida bu tashkilotga suyanamiz”,- dedi Rasul, BMT Bosh Assambleyasi yillik sessiyasida so’zlar ekan.

UNAMA, BMTning Afg’onistonga ko’mak ko’rsatish agentligi, 2002-yildan beri tinchlik, taraqqiyot, fuqaro jamiyati, inson huquqlari va insonparvarlik sohalarida, shuningdek, saylovlarda madadkor organ hisoblanadi.

12 yil oldin Qo’shma Shtatlar Afg’onistonga kirib, Tolibonni hokimiyatdan ag’darganida bu o’lka har tomonlama ezilgan va vayron qilingan bir hudud edi, deydi Zalmay Rasul. Bugun ancha tetik va xalqning o’ziga ishonchi oshgan. Yoshlar vatan kelajagi uchun bilim olmoqda va ter to’kmoqda. Davlat tizimi, biznes sektor va nohukumat jabhalar rivojlanmoqda, deydi vazir.

Kishi boshiga yillik daromad 100 dollar edi, bugun 600 dollar. 10 milliondan oshiq bola maktabga bormoqda, ularning 40 foizi qizlar. Yuzlab ming yosh universitet va kollejlarini bitirib, ishlay boshlagan. Aholining 70 foizdan ortig’i sog’liqni saqlash uchun zarur xizmatlardan foydalana oladi. O’rtacha umr 40 yosh edi, hozir 60 dan oshgan. Minglab kilometr yo’llar va kanallar barpo etildi, deydi vazir.

Bu yutuqlarning hammasi dunyo ahli bergan yordam mahsuli, deya tashakkur bildirdi afg’on bosh diplomati.

Xalqaro koalitsiya kelasi yil mamlakatni tark etish taraddudida ekan, 350 minglik mahalliy qurolli kuch tinchlikni saqlashdek murakkab vazifani o’z bo’yniga oladi.
Prezident saylovlari yaqinlashmoqda. Hamid Karzay 12 yildan beri davlat rahbari. Afg’onistonda hokimiyat demokratik ravishda o’zgaradi va fuqarolar jarayonda faol qatnashib, o’z ovozini beradi, deydi Zalmay Rasul.

Afg'oniston Tashqi ishlar vaziri Zalmay Rasulning BMTdagi nutqi, original:

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG