Breaking News

Atambayev AQShga "Manas" yuzasidan taklifini tushuntirdi


AQSh-Qirg'iziston muzokaralari, 2-aprel, 2012
AQSh-Qirg'iziston muzokaralari, 2-aprel, 2012

AQSh Davlat kotibining Janubiy va Markaziy Osiyo bo'yicha muovini Robert Bleyk va mintaqa bo'yicha mas'ul bosh harbiy, Markaziy qo'mondonlik rahbari general Jeyms Mettis Bishkekda muzokaralar olib bordi. General Mattis o'tgan kunlar ichida Toshkent va Dushanbeda ham bo'lib, harbiy hamkorlik haqida gaplashgan.

Qirg'iziston rahbari Almazbek Atambayev bilan muloqotda asosiy mavzu "Manas" tranzit markazi kelajagi bo'ldi. Prezident idorasi tarqatgan bayonotga ko'ra, uchrashuvda sarmoya va biznes aloqalar ham tilga olingan.

AQSh bu inshoot ijarasi uchun yiliga 60 million dollar to'laydi va amaldagi kelishuv muddati 2014-yilning iyulida bitadi. Undan keyin nima bo'lishi dolzarb masala, deydi Qirg'iziston rasmiylari.

Prezident Atambayev "Manas"ning harbiy obyektdan tijoriy tranzit markaziga aylantirishini taklif qilmoqda.

Chapdan, AQSh Markaziy qo'mondonligi rahbari general Jeyms Mettis, Davlat kotibi muovini Robert Bleyk va Qirg'iziston prezidenti Almazbek Atambayev, Bishkek, 2-aprel, 2012
Chapdan, AQSh Markaziy qo'mondonligi rahbari general Jeyms Mettis, Davlat kotibi muovini Robert Bleyk va Qirg'iziston prezidenti Almazbek Atambayev, Bishkek, 2-aprel, 2012
Vashington hali qat'iy javob bermagan. 2001-yilda ochilgan baza Afg'onistondagi harbiy harakatlarda muhim rol o'ynab kelmoqda. Jang maydoniga ketayotgan yoki u yerdan qaytayotgan askarlarning deyarli hammasi "Manas" orqali o'tadi.

Mart oyida AQSh Mudofaa vaziri Leon Panetta Bishkekda bo'lib, Qirg'iziston hukumati a'zolari bilan gaplashganida, hamkorlik uchun minnatdorchilik bildirgan, lekin "Manas" kelajagi xususida aniq bir narsa demagan edi.

AQSh va u boshchiligidagi xalqaro koalitsiya 2014-yil oxirigacha Afg'onistonni butunlay tark etish niyatida. Bu degani "Manas" hozirgi ahamiyatini yo'qotadi.

Lekin Bleyk va boshqa rasmiylarning aytishicha, Amerika Afg'onistonni o'z holiga tashlab qo'ymaydi va bu davlatga ko'p jihatdan yordam berishda davom etadi.

Buni bilgan Qirg'iziston rahbariyati uzoq muddatli hamkorlik haqida gapirib, "Manas" xalqaro tranzit nuqtasi bo'lishi kerak deya qayd etmoqda.

Aprel oyi oxirlarida Pentagon Bishkekka maxsus delegatsiya yuborishi va yana aynan bu borada muzokara qilishi kutilmoqa.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG