Breaking News

Prinston Universiteti mintaqashunoslar anjumaniga mezbon


Markaziy Yevrosiyo Ilmiy Jamiyati (Central Eurasian Studies Society) Nyu-Jersi shtatining Prinston Universitetida yillik yig'inini o'tkazdi. 2000-yillar boshida asos solingan tashkilot har yili kuzda Shimoliy Amerikaning taniqli oliygohlaridan birida anjuman uyushtiradi. Markaziy Yevrosiyo - Kavkazdan Tibetgacha bo’lgan hudud. Markaziy Osiyo uning markazida.

Yuzlab mutaxassislar a'zoligidagi akademik uyushma - siyosiy, iqtisodiy, ijtimoiy va madaniy mavzularni ilmiy jihatdan muhokama qilish davrasi.

Prinston dunyodagi eng nufuzli oliygohlardan biri. 1746-yilda ochilgan. 8000 dan oshiq talabaga ega. Yiriq tadqiqot markazi.

Afsuski, Markaziy Yevrosiyo Ilmiy Jamiyati qatnashchilarning xarajatini qoplamaydi. Anjumanda internet orqali ishtirok etish mumkin emas. Shu bois yig'ilganlarning aksariyati Shimoliy Amerika va Yevropa ilmiy maskanlaridan, qolaversa o'zlari alohida homiy topa olgan professionallar.

O'zbekiston yangi rahbar ish boshlagani, yaqinlashayotgan saylovlar, shuningdek, Qirg'izistondagi siyosiy jarayonlar, konstitutsiyani o'zgartirish harakati; Tojikiston iqtisodi bugun Rossiyadagi migrantlar topgan pulga tobeligi; Turkmaniston xalqaro tashkilotlar bilan sal bo'lsa-da yaqinroq ishlashga o'tgani; Qozog'iston iqtisodi va uning global maydondagi tashabbuslari; Rossiyadagi iqtisodiy inqiroz, Putin siyosati; Kavkaz mamlakatlaridagi vaziyat hamda xorijdagi markaziy osiyoliklar va ularning vatanga ta'siri - anjumanda eng ko'p e'tibor shu mavzularga qaratildi.

Mobil-salom: Prinston Universitetidamiz
Iltimos, kuting...

No media source currently available

0:00 0:01:56 0:00

To'rt kun davomida o'nlab davra suhbatlari, prezentatsiya va munozaralar o'tadi. Mintaqashunoslar, siyosatshunoslar, jamiyatshunoslar, tilshunoslar, madaniyat va san'atshunoslar, tarixchilar, iqtisodchi, tahlilchi va jurnalistlar ishtirok etadi. Yangi kitoblar, ilmiy manbalar va hisobotlar tahlil qilinadi; ularni bitgan ekspertlar bilan muloqot qilasiz, fikr almashasiz.

Albatta, ko'plab mutaxassislarning imkoniyatlari cheklangan. Biroq bu yig'in xulosalari, taqdim etilgan ishlar chop etilganida, ularni o'qish-o'rganish mumkin.

Bunday anjumanlar mintaqada ham o'tishi, mahalliy olimlar g'arblik ekspertlarga mezbonlik qilishi mumkin. Ilmiy yig'inlar o'tkazish ko'plab mamlakatlarda nafaqat akademik niyat va rejaga, balki siyosiy iroda va hukumat ruxsatiga bog'liq.

Professor Stiven Kotkin Markaziy Yevrosiyo Ilmiy Jamiyati qatnashchilari oldida, 4-noyabr, 2016
Professor Stiven Kotkin Markaziy Yevrosiyo Ilmiy Jamiyati qatnashchilari oldida, 4-noyabr, 2016

Anjumandagi asosiy ma'ruzani qilgan Stiven Kotkin, amerikalik tarixchi, Sovet davri haqida o'nlab kitoblar va ilmiy ishlar yozgan olim, SSSR 1970-yillar oxirida Afg'onistonga nima uchun kirgani, bu urush boshida va ortida turgan shaxslar, maxfiy razvedka, xavfsizlik organlari, siyosiy doiralar va Kobuldagi o'yinlar haqida chuqur mulohazali tahlilini bayon etdi.

"Sovet tuzumi aqlsizlik emas, vijdonsizlik qurboni bo'lgan. Sistemada kuchli individuallar ko'p edi. Lekin uni aqlli odamlarning ahmoqona qarorlari yemirdi... Tuzum inson qudrati va uning kechinmalari, tajribasi ahamiyatini tan olishga ojizlik qildi",- deydi Kotkin o'z kitoblaridagi mavzularni sarhisob qilar ekan.

Prinston Universitetiga sayohat
Iltimos, kuting...

No media source currently available

0:00 0:05:59 0:00

Prinston Universiteti kampusida oltin kuz hukmron. Talabalar darsda. Ta'lim ko'lami va sifati bilan shuhrat qozongan xususiy universitetga kirish uchun hujjat topshirganlarning atigi 6-7 foizi qabul qilinadi. Bir yillik o'qish barcha xarajatlarni qo'shganda 60 ming dollar atrofida. Grantlar uchun topshirish mumkin. Shu asosda bu yerga kelib o'qiyotgan va malaka oshirayotgan o'zbekistonlik talabalar va mutaxassislar ham bor.

Anjumanda ko'z-ko'z qilinayotgan kitoblar
Anjumanda ko'z-ko'z qilinayotgan kitoblar

Anjumanda ko'z-ko'z qilinayotgan kitoblar
Anjumanda ko'z-ko'z qilinayotgan kitoblar

Anjumanda ko'z-ko'z qilinayotgan kitoblar
Anjumanda ko'z-ko'z qilinayotgan kitoblar

Anjumanda ko'z-ko'z qilinayotgan kitoblar
Anjumanda ko'z-ko'z qilinayotgan kitoblar

Anjumanda ko'z-ko'z qilinayotgan kitoblar
Anjumanda ko'z-ko'z qilinayotgan kitoblar

Anjumanda ko'z-ko'z qilinayotgan kitoblar
Anjumanda ko'z-ko'z qilinayotgan kitoblar

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG