Breaking News

Vashingtonda Markaziy Osiyo o'tmishi, buguni va kelajagi haqida ilmiy anjuman


Anjumanga mezbonlik qilayotgan Jorj Vashington Universiteti Markaziy Osiyo bo'limi rahbari Marlen Laruel deydiki, maqsad - g'arb va sharq olimlarini bir joyga to'plash va ularga yuzma-yuz muloqot imkoniyatini yaratish.

Markaziy Yevrosiyo Ilmiy Jamiyati bu safar AQSh poytaxtida Jorj Vashington Universitetida yig'ildi. G'arb va mintaqa ekspertlari orasida keng qamrovli muloqot. To'rt kunlik anjuman.

2000-yillar boshida asos solingan Markaziy Yevrosiyo Ilmiy Jamiyati (Central Eurasian Studies Society) har yili kuzda Shimoliy Amerikaning taniqli universitetlaridan birida anjuman o'tkazadi. Markaziy Yevrosiyo deganda Kavkazdan tortib Tibetgacha bo’lgan hudud tushuniladi. Markaziy Osiyo uning markazida.

Yuzlab mutaxassislar a'zoligidagi akademik tashkilot bu safar AQSh poytaxtida Jorj Vashington Universitetida yig'ilib, siyosiy, iqtisodiy, ijtimoiy va madaniy mavzularni muhokama qilmoqda.

Markaziy Osiyo - Geosiyosat - Markaziy Yevrosio Ilmiy Jamiyati - Navbahor Imamova
Iltimos, kuting...

No media source currently available

0:00 0:06:31 0:00

Madeleine Reeves, Uni of Manchester: Re-imagining 'Area Studies' in an Age of Migration
Iltimos, kuting...

No media source currently available

0:00 1:42:49 0:00
Yuklab oling

Alexander Cooley, Columbia University, speaks at CESS annual meeting, Central Asia Program, GWU
Iltimos, kuting...

No media source currently available

0:00 1:37:18 0:00
Yuklab oling

Yig'inning Amerika siyosiy markazida o'tayotgani Markaziy Osiyo va Yevropadan kelgan ishtirokchilar uchun Vashington siyosiy doiralari bilan muloqot qilishdek noyob bir imkoniyatni beradi.

Afsuski, Markaziy Yevrosiyo Ilmiy Jamiyati qatnashchilarning xarajatini qoplamaydi. Anjumanda internet orqali ishtirok etish mumkin emas. Shu bois yig'ilganlarning aksariyati Shimoliy Amerika ilmiy maskanlaridan, qolaversa o'zlari alohida homiy topa olgan professionallar.

To'rt kun davomida o'nlab davra suhbatlari, prezentatsiya va munozaralar... Mintaqashunoslar, siyosatshunoslar, jamiyatshunoslar, tilshunoslar, madaniyat va san'atshunoslar, tarixchilar, iqtisodchi, tahlilchi va jurnalistlar. Yangi kitoblar, ilmiy manbalar va hisobotlar bilan tanishasiz, ularni bitgan ekspertlar bilan gaplashasiz, fikr almashasiz.

Anjumanga mezbonlik qilayotgan Jorj Vashington Universiteti Markaziy Osiyo bo'limi rahbari Marlen Laruel (Marlene Laruelle) deydiki, maqsad - g'arb va sharq olimlarini bir joyga to'plash va ularga yuzma-yuz muloqot imkoniyatini yaratish.

Albatta, ko'plab mutaxassislarning imkoniyatlari cheklangan. Biroq bu yig'in xulosalari, taqdim etilgan ishlar chop etilganida, ularni o'qish-o'rganish mumkin.

Kolumbiya universiteti professori Aleksander Kuli (Alexander Cooley) kelajakda Markaziy Osiyo va Yevrosiyodan ko'proq mutaxassislarni ko'ramiz, degan umidda.

Bunday anjumanlar mintaqada ham o'tishi, mahalliy olimlar g'arblik ekspertlarga mezbonlik qilishi mumkin. Ilmiy yig'inlar o'tkazish ko'plab mamlakatlarda nafaqat akademik niyat va rejaga, balki siyosiy iroda va hukumat ruxsatiga bog'liq.

Anjumanning ochilish ma'ruzasini qilar ekan, professor Kuli asosiy e'tiborni Markaziy Osiyodagi o'tgan 15 yillik dinamikaga qaratdi.

Mintaqadagi har bir respublikaning yirik davlatlar, xususan AQSh, Xitoy, Rossiya, shuningdek, Yevropa Ittifoqi bilan munosabatlarini sarhisob qildi.

Har bir mamlakat tashqi dunyo bilan aloqalarini qanchalik muvozanatlashga urinmasin, bunga erishish qiyin kechdi va kechmoqda, deydi Kuli.

Boshqa ko'plab siyosatsunoslar singari u ham mintaqaga bir organdek qarashga qarshi. Besh respublika - besh alohida tuzum va ularni shunday tahlil qilish kerak, deydi Kuli.

Hamkor davlatlar, masalan, Amerika mintaqaviy integratsiyaga urg'u berib kelmoqda. Biroq buni davlatlarning o'zi hal etishi va eng muhimi xohlashi lozim.

Hozircha ularning har biri "men va sen" qabilida ish ko'rishni xohlaydi, "biz va sen" yoki "biz va siz" emas.

Kuli nazarida o'tgan bir yil ichida yuz bergan voqealar - Afg'onistonda Amerika qo'shinining kamaygani, Rossiya Ukraina bilan til topisha olmayotgani, G'arbda Kremlga nisbatan qarshilik kuchaygani, Yaqin Sharq yanada notinchlashib, AQSh va Rossiya aloqalari tobora keskinlashib borayotgani, Xitoy siyosiy-iqtisodiy hamkor sifatida mintaqadagi rolini oshirayotgani Markaziy Osiyoning har bir davlati uchun yangidan-yangi murakkabliklar tug'dirmoqda. Tashqi siyosatni muvozanatlash bugun yanada qiyin va balki mumkin emas.

Amerika o'zini uzoqdagi ishonchli sherik deya targ'ib qilmoqda. AQShdan sarmoya oqimi sust.

Yevropa Ittifoqi ham bu borada faol emas. Hamkorlik xususida qanchalik bong urmasin, regionning biror davlati blokka tayana olmaydi.

Rossiya o'z harbiy-siyosiy ta'sirini kuchaytirish harakatida, lekin moliyaviy imkoniyatlari katta emas, investitsiya ko'lami oshmaydi.

Federatsiyada ishlayotgan markaziy osiyoliklardan vatanga kelayotgan pul miqdori kamayib ketgan.

Xitoy milliardlab dollar tikmoqda. Pekinga yo'q deyish qiyin. Mintaqa davlatlari oldilarida boshqa imkoniyatlar bo'lishini xohlaydi.

Qozog'iston va O'zbekistonda uzoq yillik avtokrat rahbarlardan keyin nima bo'ladi?

Zamonning olabo'jisi - "Islomiy davlat" mintaqaga qanchalik tahdid solmoqda? Unga qarshi kurashdan Markaziy Osiyo naqadar manfaatdor? Mintaqa qanday chora ko'radi? Qanday qarorlar qabul qiladi?

Aleksandr Kuli nazarida yaqin kelajakda yana bir masalaga jiddiy e'tibor berish kerak bo'ladi - diaspora va ularning vatanga siyosiy-iqtisodiy va madaniy ta'siri. Ilm ahli uni izchil o'rgana boshlashi lozim, deya undaydi u hamkasblarini.

Millionlab markaziy osiyoliklar xorijda ekan, muhojirlar va migrant ishchilar soni oshib borarkan, ular ona yurtida hech narsa qila olmaydi deb hisoblash noto'g'ri va asossiz, deydi olim.

Markaziy Osiyo liderlari diasporadan azaldan xavfsiragan, hozir ham shunday va vatandoshlar "menga qarshi nimadir qilar" degan xavotir ularga uyqu bermayotgani tayin.

Aleksandr Kuli fikricha AQShning Yangi Ipak Yo'li deb nomlangan tashabbusi safsata va konkret natijalarga yetaklamaydi.

Xitoy rejalagan va amalga oshira boshlagan Ipak Yo'li nima samara berishi yuzasidan biror narsa deyish qiyin, chunki mablag' va'da qilingani bilan ajratiladimi, yo'qmi, bu ham mavhum. Gap trillionlab dollar haqida ketmoqda.

Xitoy iqtisodi sustlashib, moliyaviy qurbi zaiflashar ekan, ulkan o'zgarishlar kutmang, deydi Kuli. Biroq, deydi olim, yaqin kelajakda mintaqaga eng ko'p bosim Rossiya va Xitoydan kelishi aniq.

Professor Aleksandr Kuli Jorj Vashington Universitetida so'zlamoqda, 15-oktabr, 2015
Professor Aleksandr Kuli Jorj Vashington Universitetida so'zlamoqda, 15-oktabr, 2015

Markaziy Yevrosiyo Ilmiy Jamiyatining yillik anjumani Vashingtonda o'tmoqda, 15-18 oktabr, 2015
Markaziy Yevrosiyo Ilmiy Jamiyatining yillik anjumani Vashingtonda o'tmoqda, 15-18 oktabr, 2015

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

XS
SM
MD
LG