Breaking News

Amerika diplomati: Shimoliy Koreya bilan aloqani uzmaslik kerak


Shimoliy Koreya orbitaga raketa uchirsa, Amerika gumanitar yordam, xususan, oziq-ovqat uzatishni to'xtatmoqchi
Shimoliy Koreya orbitaga raketa uchirsa, Amerika gumanitar yordam, xususan, oziq-ovqat uzatishni to'xtatmoqchi

Amerikaning Shimoliy Koreya bo’yicha sobiq diplomati Stiven Bosvort nazarida Obama ma’muriyati bu yopiq davlat bilan gaplashishni uzmasligi kerak.

Shimoliy Koreya shu oy orbitaga raketa uchirishni rejalab, ob-havoni kuzatuvchi yo’ldosh joylashini, buni yurt asoschisi Kim Ir Senning 100 yillik tavalludiga bag’ishlamoqchi ekanini aytadi.

Stiven Bosvort
Stiven Bosvort
Bosvortning “Amerika Ovozi“ga bildirishicha, Vashington parvozdan maqsad nima bo’lishidan qat’iy nazar kommunistik mamlakat uzoq masofaga raketa uchirishiga hamisha qarshi bo’lgan.

“Shimoliy Koreya bu tashabbus raketa sinovi emasligini qanchalik uqtirmasin, Qo’shma Shtatlar ishonishi qiyin. BMT Xavfsizlik Kengashi buni taqiqlaganini Pxenyan unutmasligi kerak”, - deydi Amerika diplomati.

Raketa yerni tark etsa, Vashington Shimoliy Koreyaga gumanitar madad, oziq-ovqat uzatishni to’xtatadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG