Breaking News

Shimoliy Koreya raketa sinovlariga tayyorlanmoqda


Pxenyan 2009-yilda ham uzoq masofaga uchadigan raketalarini sinab ko’rgan va orbitaga o’z sun’iy yo’ldoshini yuborganini e’lon qilgan edi.
Pxenyan 2009-yilda ham uzoq masofaga uchadigan raketalarini sinab ko’rgan va orbitaga o’z sun’iy yo’ldoshini yuborganini e’lon qilgan edi.

Seuldan muxbirimiz Stiv Xermanning xabar berishicha, Koreya yarimorolida vaziyat yanada taranglashgan. Pxenyan harbiy mashqlarga zo’r bermoqda.

Janubiy Koreya qo’shni davlatni sun’iy yo’ldosh uchirish bahonasi bilan atom quroli tashiydigan yangi sistemani sinab ko’rishni rejalaganlikda ayblamoqda.

Shimoliy Koreya davlat telekanali namoyish etgan tasvirlarda armiya, harbiy-dengiz floti va havo kuchlari birgalikda tayyorgarlik ishlari olib borayotgani ko’rsatiladi.

Bugun Seulda favqulodda majlis qilgan prezident Li Myung-Bakning matbuot kotibi Park Jeng-Xa deydiki, Shimoliy Koreya provakatsion harakatlar qilmoqda.

Pxenyan xavfli qadamlar qo’ymoqda, deydi Park Jeng-Xa. Uning qo’lidagi ballistik raketa texnologiyasi yadroviy qurollarni tashishga mo’ljallangan. Janubiy Koreya AQSh, Yaponiya, Xitoy va Rossiya hamda Yevropa Ittifoqi bilan hamkorlikda chora ko’radi, deydi rasmiy.

Kelasi hafta yadroviy xavfsizlik bo’yicha Seulda xalqaro sammit o’tishi kutilmoqda.

Qo’shma Shtatlar, Rossiya va Yaponiya ham Pxenyanning xatti-harakatlarini qoralab, uni BMT qo’ygan cheklovlarni buzmaslikka undagan.

Seulda Koreya urushini xotirlab o'rnatilgan yodgorlik... Janubiy Koreya nazarida qo’shni davlat sun’iy yo’ldosh uchirish bahonasi bilan yadroviy sistemani sinab ko’rmoqchi.
Seulda Koreya urushini xotirlab o'rnatilgan yodgorlik... Janubiy Koreya nazarida qo’shni davlat sun’iy yo’ldosh uchirish bahonasi bilan yadroviy sistemani sinab ko’rmoqchi.
BMT Bosh kotibi Pan Gi Mun nazarida Shimoliy Koreya o’zboshimchalik qilib, qashshoq aholini chetdan berilayotgan yordamdan ayirishi mumkin, jumladan oziq-oqvatdan.

Pxenyan kelasi oyda o’z raketalarini sinab ko’rishi borasida Xalqaro Fuqaroviy Aviatsiya Tashkiloti va boshqa xalqaro organlarni ogohlantirgan.

Aeronavtika sohasi egalari shundan xavotirdaki, Shimoliy Koreya uzoq masofaga uchadigan raketalar bo’yicha yetarlicha tajribaga ega emas. Sinov maydoni Janubiy Koreyadan 140 kilometr, Filippindan esa 190 kilometr narida bo’ladi. Yaponiya agar bu raketalar uning hududida ko’rinsa, urib tushirishini bildirmoqda.

Pxenyanning eng yaqin hamkori Xitoy ta’biricha ham bu sinov mintaqaviy tinchlik va xavfsizlikka raxna soladi.

Shimoliy Koreya esa ilm-fan bobida erishgan yutuqlarini xalq va butun dunyoga ko’z-ko’z qilishga haqli ekanini uqtirmoqda.

Davlat televideniyesida bu haqda so’zlagan yoshlardan biri, Texnologiya universiteti talabasi Xvang Chung Xyuk ushbu sinov olmashumul voqea bo’ladi deydi.

Texnologik taraqqiyot tomon intilishga haqqimiz bor, deydi talaba, Shimoliy Koreya olimlari ishlab chiqqan sun’iy yo’ldosh texnologiyalari yoshlarga ilhom beradi va ularni ham kelajakda o’z qo’llari bilan shunday vositalar yasashga undaydi.

Pxenyan 2009-yilda ham uzoq masofaga uchadigan raketalarini sinab ko’rgan va orbitaga o’z sun’iy yo’ldoshini yuborganini e’lon qilgan edi.

Xalqaro hamjamiyat o’shanda uning harakatlarini qoralagan va Shimoliy Koreya yanada yakkalanib, tashqi yordam ko’lami pasaygan edi.

Mustaqil kuzatuvchilarning xulosa qilishicha, Pxenyan o’tkazgan yirik sinovlarning birortasi ko’zlangan natija bermagan, lekin hukumat buni tan olmaydi.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG