Prezident Obama Estoniyaga safari chog’ida Rossiya tahdidi haqida so’zlar ekan, Boltiqbo’yi mamlakatlariga qo’shimcha harbiy samolyotlar yuborilishi haqida ma’lum qildi.
Unga ko’ra, NATOga a’zo 28 mamlakat alyans salohiyatini kuchaytirish uchun tashkilotga ajratiladigan moliyaviy hissasini oshirishi lozim.
NATO qoidasiga ko’ra, har bir a’zo davlat yalpi ichki mahsulotining ikki foizini alyans g’aznasiga o’tkazishi zarur.
Estoniya ko’pdan beri NATOdan o’z hududida harbiy baza ochishni so’rab keladi.
Obama Tallinda qo’shni Litva va Latviya rahbarlari bilan ham muloqot qilgan. Boltiqbo'yi prezidentlarning hammasi ingliz tilida bemalol so'zlashgani bois muzokaralar juda samimiy va ko'tarinki ruhda kechgani aytiladi.
Obama Rossiyani Ukraina hududiy yaxlitligini, uning suverenitetini buzganlikda ayblab keladi.
Bo'ltiq dengizi bo'yidagi uch davlat NATO a'zosi va alyans ularni Rossiya tahdididan himoya qiladi, deydi AQSh prezidenti.
"Estoniya, Litva va Latviya NATO bilan ekan, o'z mustaqilligidan hech qachon ayrilmaydi",- dedi Obama bugun Tallinda ikki ming odam oldida gapirar ekan.
Uning fikricha bu davlatlar NATOga kirib uni mustahkamlagan va blok maqsadlarini tushunadi.
Obama Estoniya prezidenti Tumas Xendrik Ilves bilan birga matbuot anjumani berdi.
Bu mamlakat havo kuchlari Amerikadan katta miqdorda yordam olishi xususida gap ketdi. AQSh rahbari nazarida Estoniyaning Amari havo bazasi NATO uchun juda qulay obyekt.
Kollektiv xavfsizlikni ta'minlash - asosiy maqsad, deydi Ilves.
"Bu haqda gap bo'lishi mumkin emas va bu maqsad o'zgarmas, abadiy. Estoniya yolg'iz emas va bundan bo'lmaydi ham",- deydi Obama.
Litva prezidenti Daliya Griboskayte deydiki, Rossiya naqadar yovuzligini isbotlab kelmoqda.
"Ukraina hozir front hammamiz uchun va jiddiy choralar ko'rishimiz kerak",- deydi u.
Latviya rahbari Andris Berzinsh esa mamlakati Amerika kuchlari uchun ochiq va muddati cheklanmagan.
Ertaga Uelsda NATO sammiti ochiladi va mavzu muhokamasi davom etadi.
Ukraina prezidenti Petro Poroshenko yig'inda qatnashadi.
Sentabr oyining o'rtalarida Amerika va NATO kuchlari Ukrainada harbiy mashqlar o'tkazadi.
