Breaking News

Rossiya AQShdan o'tgan yili tortib olingan mulkni talab qilmoqda


Nyu-Yorkda Rossiya hukumati egalik qilgan, o'tgan yili tortib olingan koshonalardan biri
Nyu-Yorkda Rossiya hukumati egalik qilgan, o'tgan yili tortib olingan koshonalardan biri

Rossiya hukumati Vashingtondan o'tgan yili, Barak Obama prezidentlik davrida, musodara qilingan mulklarini qaytarishni talab qilmoqda. 2016-yilgi prezident saylovlari paytida Kreml yetakchiligida Amerika tizimlariga kiber-xuruj qilingan deya xulosa ketidan shunday qadamlar tashlangan edi. Xulosa AQSh razvedka organlariga tegishli. Nyu-York va Merilend shtatlaridagi ikki koshona o'shanda tortib olingan.

Tashqi ishlar vaziri Sergey Lavrov nazarida bu ishlar "o'g'rilik". 35 diplomat josuslikda ayblanib, haydalgan.

Rossiya Tashqi ishlar vaziri Sergey Lavrov
Rossiya Tashqi ishlar vaziri Sergey Lavrov

Rossiya bunga javoban ochiq tarzda biror chora ko'rmagan. Biroq Lavrov deydiki, agar talablar bajo keltirilmasa, Rossiya ham AQShning Moskvadagi elchixonasiga tegishli dacha va omborxonani tortib oladi.

Donald Tramp prezidentlikka kelgach, Rossiya mulklari qaytib beriladi, deya taxmin qilingan edi. Lekin bunday bo'lmadi.

Ayni damda Rossiya saylov paytida Amerika ovoz berish tizimlariga qanchalik ta'sir qila olgani va Tramp atrofidagi odamlar bilan qanchalik yaqin aloqada bo'lgani tergov ostida.

Gamburg, 7-iyul, 2017
Gamburg, 7-iyul, 2017

17-iyul kuni Vashingtonda AQSh Davlat kotibi muovini Tomas Shennon va Rossiya Tashqi ishlar muovini Sergey Ryabkov uchrashganida ham "mulklarni qaytarish" masalasi muhokama qilingan.

Lavrov fikricha, Amerika poytaxtida Rossiyaga nisbatan "asossiz" nafrat va norozilik kuchli ekan, rishtalar tuzalmaydi.

Kreml matbuot kotibi Dmitriy Peskovga ko'ra, "diplomatik mulklar egasiga qaytarilishi shart, hech qanday shartsiz".

Prezident Vladimir Putin Amerika razvedkasini ayyorlikda va butun mashmasha ortida turganlikda ayblab keladi. Bu borada u Tramp bilan yaqinda Germaniyada Katta Yigirmalik sammitida uchrashganida ham aytgan.

Kreml, deydi Peskov, AQSh esini yig'ib, uzoqni ko'zlab, bu muammoni hal etadi, degan umidda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG