Breaking News

Ilhan Umar Kongressda bosh kiyimga oid tartibni o'zgartirmoqchi


Qonunchi Ilhan Umar (o'ngda) Kongressdagi partiyadoshi Jahana Hayes bilan, 2018-yil, 4-noyabr
Qonunchi Ilhan Umar (o'ngda) Kongressdagi partiyadoshi Jahana Hayes bilan, 2018-yil, 4-noyabr

Ilhan Umar Kapitoliy qiyofasini o'zgartirmoqchi. Kongressga ilk bor saylangan ikki musulmon ayolning biri bo'lgan Umar boshiga ro'mol o'raydi.

Amaldagi tartibga ko'ra, Vakillar palatasida bosh kiyim bilan o'tirish mumkin emas. Ilhan Umar shu qoidani o'zgartirish niyatida.

181 yil avval bu qoida qabul qilinganda, ozchilik yoki boshqa din vakillari hisobga olinmagan edi. Maqsad o'sha paytda taomilda bo'lgan erkaklarning shlyapa kiyish odati qonunchilik organiga ham kirib kelishiga yo'l qo'ymaslik bo'lgan.

Kongressda nafaqat bosh kiyim, balki ovqat, ichimlik, sigareta va qo'l telefonlari ham taqiqlangan.

Yangi saylangan Kongress vakillari suratga tushmoqda, 2018-yil, 14-noyabr.
Yangi saylangan Kongress vakillari suratga tushmoqda, 2018-yil, 14-noyabr.

"Twitter" orqali Ilhan Umar o'z ixtiyori bilan bosh kiyim kiyishini va bu Konstitutsiyadagi vijdon erkinligi huquqi bilan himoyalanganini yozdi.

Kongress zalida diniy va tibbiy sabablarga ko'ra bosh kiyim kiyishga ruxsat berish haqidagi qonun loyihasiga Ilhan Umardan tashqari massachusetslik qonunchi Jim Makgovern va Vakillar palatasining yangi spikeri etib saylangan Nensi Pelosi ham mualliflik qilmoqda.

Amerika-Islom aloqalari kengashi o'tgan yili noyabr oyida bosh kiyimga ruxsat berish harakatini olqishlab, taqiq Konstitutsiyada belgilangan erkinliklarga zid ekanini aytgan edi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG