Breaking News

AQSh: Tojikistonning taniqli huquq faoli - yilning jasoratli ayollaridan biri


Oynihol Bobonazarova, Tojikistonda tanilgan huquq himoyachisi
O'tgan yili Tojikistonda prezidentlik uchun kurashishga ahd qilib, siyosiy bosim sabab qaroridan qaytgan faol Oynihol Bobonazarova AQSh tomonidan yilning eng jasoratli ayollaridan biri deya tan olindi.

Yillik mukofot tinchlik, adolat, inson huquqlari, ayol va erkaklar o’rtasidagi tenglikni ta’minlash hamda ayollar salohiyatini oshirish maqsadida misli ko’rilmagan jasorat va yetakchilik namoyish qilgan ayollarga beriladi.

Vashingtonda Davlat departamentida o'tgan taqdimot marosimida Bobonazarova 10 sovrindordan biri sifatida sahnaga chiqdi. Davlat kotibi Jon Kerri va prezident rafiqasi Mishel Obama tomonidan olqishlandi.

“Bu ayollarning vaziyatni o’zgartirish maqsadida baralla gapirib, boshqalar himoyasi yo’lida harakat qilganini ko’rganimizda aslida barimiz ayni salohiyatga ega ekanimizni, mas’uliyatimiz ham bir ekanini tushunishimiz kerak”, - dedi Mishel Obama.

Oynihol Bobonazarova Tojikistonda inson huquqlari uchun birinchilardan bo'lib kurash boshlagan. 1997-yilda fuqaro urushi tugaganidan beri Bobonazarova xotin-qizlar manfaatlarini targ'ib qilib keladi. Qamoqxonalardagi qiynoqlar haqida ma'lumot to'plab, hukumatni javobgarlikka chaqiradi. Tuzumdagi kamchiliklarni fosh etadi. Rossiyada mehnat qilayotgan fuqarolar va ularning oilalari yuzlashayotgan muammolarga diqqatni qaratadi.

2013-yilning sentabrida Tojikiston Islomiy Uyg'onish Partiyasi uni prezidentlikka ko'rsatgan edi. Xonim keyinroq poygani tark etdi, lekin hamon huquq himoyasi bilan mashg'ul.

Faolga nisbatan tazyiq va tahdid xususida xabar berib, xalqaro hamjamiyatni ogohlikka undab kelayotgan huquq tashkiloti "Human Rights Watch" (HRW) nazarida Oynihol Bobonazarovadek mard insonlar quvvatlanayotgani ijobiy hol. Bu ayolning yaqinlari va safdoshlari, xususan uning targ'ibot kampaniyasida ishlagan odamlar hukumat tomonidan nishonga olina boshlagach, Bobonazarova saylov kampaniyasini to'xtatishga majbur bo'ldi, deydi Stiv Sverdlov, HRW vakili.

Bobonazarova "Qiynoqlarga qarshi koalitsiya" va Ombudsman idorasi bilan hamkorlikda qamoq va hibsxonalardagi ahvolni kuzatish borasida mustaqil organ tuzish ustida ishlab kelmoqda. Tojikiston hibsxonalari va jazoni o'tash muassasalari 2004-yildan beri kuzatuvchilar uchun yopiq.

Bugun topshirilgan mukofotni ayol o'z xalqi va uning kelajagiga bag'ishladi.

"Jasoratli ayol" AQSh Davlat departamenti taqdim etadigan yillik sovrin. Moliyaviy mukofot emas. Faol ayollarni rag'batlantirish, ular mehnatini tan olib, minnatdorchilik bildirish, deydi rasmiylar.

Bobonazarova qatorida Afg'oniston, Fiji, Gruziya, Gvatemala, Hindiston, Mali, Saudiya Arabistoni, Ukraina va Zimbabve ayollari ham taqdirlandi.

2009-yilda O'zbekistondan taniqli huquq faoli va sobiq siyosiy mahbus Mo'tabar Tojiboyeva, 2011-yilda Qirg'iziston prezidenti Roza Otunbayeva bu mukofotga loyiq topilgan.

Oynihol Bobonazarova AQSh prezident rafiqasi Mishel Obama bilan, 4-mart, 2014, Vashington
Oynihol Bobonazarova AQSh prezident rafiqasi Mishel Obama bilan, 4-mart, 2014, Vashington

2014-yilning jasoratli ayollari davrasida, 4-mart, 2014, Vashington
2014-yilning jasoratli ayollari davrasida, 4-mart, 2014, Vashington
  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG