O'zbekistonlik advokat: Har qanday sharoitda huquqingizni biling


O'zbek muhojirlariga qo'yilayotgan ayblovlar vatandoshlarni sergak torttirgan. Biroq ayb hali sudda isbotlanmagan. AQSh qonun ustuvor jamiyat, adolat ravnaq topadi degan umid bor.

Nyu-Yorkda yaqinda uch o'zbek "Islomiy davlat" ga qo'shilishga uringanlikda gumon qilinib hibsga olindi. Bruklin tumanida yashagan 24 yoshli Abdurasul Jo'raboyev, 19 yoshli Ahror Saidahmetov va 30 yoshli Abror Habibov terror tashkilotiga kirishni, buning uddasidan chiqa olmagan taqdirda, AQSh prezidentini o'ldirish, bomba xurujlari qilish, politsiya va rasmiylarni o'ldirishni ko'zlagan, deya bildiradi Federal qidiruv byurosi. Dilorom Abdullaeva, o'zbekistonlik huquqshunos, "Tashabbus" nohukumat tashkilotini boshqaradi. Yuristlardan tashkil topgan “Tashabbus” ommaning huquqiy ongini oshirish va qonun ustuvorligini targ'ib qilishni maqsad qilgan. Internetda uch tilda ma'lumot tarqatiladi va dunyoning turli burchaklarida yurgan o'zbekistonliklardan tushgan savollarga javob beriladi.

Xo'sh, mutaxassis Nyu-Yorkdagi ish haqida qanday fikrda?

O'zbek muhojirlariga qo'yilayotgan ayblovlar vatandoshlarni sergak torttiradi, albatta. Bu hammamiz uchun yoqimsiz xabar, deydi suhbatdoshim, biroq ayb hali sudda isbotlanmagan. Amerika - qonun ustuvor jamiyat, adolat ravnaq topadi degan umid bor.

Bu yigitlar o'zbeklar nomiga isnod keltirmoqda deyishga ham shoshmang, deydi huquqshunos. Har bir odam o'z qilmishi uchun javobgar. Sud va hukm hali oldinda.

Loqaydlik yaxshilikka yetaklamaydi. O'z huquqingizni biling, bilmasangiz, so'rang, deydi "Tashabbus" rahbari.

Nomiga islom so'zini qo'shib olgan, qora ishlarini, vahshiy harakatlarini din bilan asoslashga urinayotgan guruhlar dunyo bo'ylab musulmonlarga nisbatan munosabatni salbiylashtirmoqda. Dilorom Abdullaevaning kuzatishicha, bu Amerika jamiyatida ham seziladi.

Muhojir jamoalar oldida murakkab vazifalar turibdi, deydi mutaxassis. Yoshlar bilan jiddiy shug'ullanish kerak. Ularni to'g'ri yo'lga boshlovchi, ularga zarur maslahatlar berib turadigan, real ko'mak ko'rsatadigan dasturlar haqida o'ylash lozim. Amerikada buning uchun imkoniyatlar bor, deydi Dilorom Abdullaeva.

Huquqshunos ijtimoiy tarmoqlarda ko'p vaqt o'tkazadigan yurtdoshlariga ehtiyot bo'lishni maslahat beradi. Ogoh bo'ling, deydi u.

Vatandamisiz yoki xorijda, savollar bo'lsa, "Tashabbus" xizmatingizda.

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi ilk teledasturlar muallifi. TV, radio va onlayn diktor, prodyuser, muxbir va muharrir. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America and a leading Washington-based authority on geopolitics and national development in Central Asia. As anchor, reporter, multimedia editor and producer, she has covered Central Asia and the U.S. for over 15 years on TV, radio and online. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented nearly 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She is frequently asked to speak on regional issues in Central Asia, as well as Uzbek politics and society, for policy, academic, and popular audiences, including the U.S. Foreign Service Institute, Princeton University, Columbia University, Johns Hopkins University, Georgetown University, George Washington University, Michigan State University, the University of Wisconsin, Northeastern University, and her alma mater Harvard University. Her essays on the region have been published in journals and edited volumes, including Central Eurasian Studies Review and Demokratizatsiya: The Journal of Post-Soviet Democratization.

    She began her career at the Uzbek state broadcaster. She holds a Bachelor of Arts in journalism and mass communication from Maharaja’s College at the University of Mysore, India and a Master of Arts in journalism from Ball State University.

XS
SM
MD
LG