Breaking News

Afg'onistonga qo'shnilar yordami suv va havodek zarur


BMT Xavfsizlik Kengashi raisi Qozog'iston elchisi Kayrat Umarov Kobulda Prezident Ashraf G'ani bilan, 15-yanvar, 2018

BMT Bosh kotibi Antoniu Guterrish bugun Xavfsizlik kengashida so'zlar ekan, Markaziy Osiyo va Afg'oniston muloqot, tinchlik, madaniy yaqinlik va hamjihatlik namunasi bo'la oladi, agar mintaqaviy sarmoya, tijorat va birdamlikni yo'lga qo'ya olsa, deya tashqi ishlar vazirlariga murojaat qildi. Tadbirni to'liq holda mana bu yerda (to'liq video) tomosha qiling.

O'tgan yillarda, deydi BMT rahbari, davlatlar oldinga dadil qadamlar tashlay boshladi. Lekin o'zaro tijorat, siyosiy masalalarda birga ishlash va oradagi ziddiyatlarni bartaraf etishda oqsadi. O'tgan yili Markaziy Osiyoga safar qilgan Guterrish respublikalarning rahbarlari bilan muloqotda hamkorlik uchun iroda yetarli ekanini tushunganini aytadi. Biroq bu jarayonni yo'lga qo'yib olishda, ayniqsa suv, energetika va savdo masalasida til topishish uchun yaqindan aloqa qila boshlashi kerak edi, deydi bosh kotib.

Markaziy Osiyo va Afg'oniston BMT Xavfsizlik Kengashida
Iltimos, kuting...

No media source currently available

0:00 0:03:23 0:00

O'tgan bir yil ichidagi faollikka qaramasdan Afg'oniston bilan bog'liq masalalarda sustkashlik seziladi. Bu mamlakat xavf o'chog'i sifatida qaralib, qo'shnilar u bilan hamkorlikni ehtiyorkorona tarzda yo'lga qo'yayotgani sir emas. Qorador savdosi, uyushgan jinoyatchilik, ekstremist to'dalar, Kobuldagi hukumatga ishonchsizlik, xalqaro hamjamiyatga nisbatan umidsizlik, yirik davlatlarning siyosatidan norozilik - bularning hammasi passivlikka undaydi.

Rossiya Tashqi ishlar vaziri Sergey Lavrov deydiki, Shimoliy Afg'onistondagi bugungi ahvolga chidab bo'lmaydi. Terroristlar u yerdan turib, afg'on xalqini ezmoqda, shimoldagi qo'shnilarga tahdid solmoqda. Minglab jangarilar xorijdan moliyalanmoqda va ular quturaversa, butun Yevrosiyo barqarorligi xavf ostida.

Qoradori sanoati va savdosi pasaymagan, deydi Lavrov. Bunga qarshi yangi choralar ustida ishlash kerak.

O'zbekiston Tashqi ishlar vaziri Abdulaziz Komilov, BMT Xavfsizlik Kengashi, 19-yanvar, 2018
O'zbekiston Tashqi ishlar vaziri Abdulaziz Komilov, BMT Xavfsizlik Kengashi, 19-yanvar, 2018

AQSh Davlat kotibi o'rinbosari Jon Sallivan qayd etishicha, Afg'oniston bugun 20 yil oldingiga qaraganda yaxshiroq va tinchroq hayot kechirmoqda. Tolibon va terror kuchlarining burungi kuchi yo'q. Xalqaro koalitsiya ularga zarba berishda davom etadi. Afg'onistonda iqtisodiy ahvol yaxshilanganI sari ekstremistlar ham kamayadi, deydi Sallivan.

Qozog'iston Tashqi ishlar vaziri Kayrat AbdUrahmonov ta'biricha, Afg'onistonga ko'z yumish yoki unga xavf va beqarorlik maskani deb qarash bilan hech kim foyda ko'rmaydi. Uning atrofidagi davlatlar unga yordam berib, o'zlariga ham manfaat keltiradi.

O'zbekiston Tashqi ishlar vaziri Abdulaziz Komilov Toshkentning rasmiy pozitsiyasini tushuntirar ekan, tinchlik muzokaralari zamon talabi, deya qayd etdi. Afg'oniston hukumati va toliblar orasida murosaga erishish muhim, dedi Komilov.

O'zbekiston bugunga kelib Kobul bilan rishtalarni mustahkamlayotgani, qo'ldan kelganicha yordam ko'rsatayotgani, orada rejalar talay ekani va hamkorlikka har ikki tomon ulkan umid bilan qarayotganini aytdi.

Komilov deydiki, O'zbekiston Afg'oniston bilan ham, boshqa qo'shni davlatlar bilan ham yaqindan ishlashga tayyor. Qolaversa, respublika butun Markaziy Osiyo va Janubiy Osiyo orasida iqtisodiy va siyosiy sheriklik rivojlanishi tarafdori.

BMT Bosh kotibi Antoniu Guterrish va Qirg'iziston Tashqi ishlar vaziri Erlan Abdildayev, Xavfsizlik Kengashi, 19-yanvar, 2018
BMT Bosh kotibi Antoniu Guterrish va Qirg'iziston Tashqi ishlar vaziri Erlan Abdildayev, Xavfsizlik Kengashi, 19-yanvar, 2018

Afg'oniston Tashqi ishlar vaziri muovini Hikmat Karzay uning davlati har bir sohada har bir qo'shni va yaqin hukumat bilan ishlashga shay ekanini aytadi. Afg'onistonda ko'plab jabhalarda yutuqlar bor. Odamlarning hayoti ancha tiklangan. Xalq qattiq mehnatda, deya tasvirlaydi u. Afg'oniston mintaqaviy madaddan minnatdor.

BMT Xavfsizlik Kengashi yig'inida Markaziy Osiyoning barcha davlatlaridan diplomatlar qatnashdi va so'zladi. Biror yangi kelishuvga erishilmadi lekin, deydi ishtirokchilar, muloqot - hamjihatlik ramzi.

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi ilk teledasturlar muallifi. TV, radio va onlayn diktor, prodyuser, muxbir va muharrir. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America and a leading Washington-based authority on geopolitics and national development in Central Asia. As anchor, reporter, multimedia editor and producer, she has covered Central Asia and the U.S. for over 15 years on TV, radio and online. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented nearly 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She is frequently asked to speak on regional issues in Central Asia, as well as Uzbek politics and society, for policy, academic, and popular audiences, including the U.S. Foreign Service Institute, Princeton University, Columbia University, Johns Hopkins University, Georgetown University, George Washington University, Michigan State University, the University of Wisconsin, Northeastern University, and her alma mater Harvard University. Her essays on the region have been published in journals and edited volumes, including Central Eurasian Studies Review and Demokratizatsiya: The Journal of Post-Soviet Democratization.

    She began her career at the Uzbek state broadcaster. She holds a Bachelor of Arts in journalism and mass communication from Maharaja’s College at the University of Mysore, India and a Master of Arts in journalism from Ball State University.

Facebook Forum

XS
SM
MD
LG