Shohruh Soipov, "Dayjest" gazetasi asoschisi va bosh muharriri, O'sh, Qirg'iziston. Vashingtonga safar chog'ida, 4-sentabr, 2012-yil.
Shohruh Soipov: "Qirg'izistonda o'zbek matbuotiga munosabat salbiy"
Qirg’iziston janubini qaqshatgan 2010-yil iyun voqealaridan so’ng O’sh va Jalol-Obodda o’zbek tilidagi ommaviy axborot vositalari soni qisqardi. Qirg’indan ikki yil o’tib, vaziyat bir oz o’nglangan, biroq, deydi Vashingtonga xizmat safari bilan kelgan o’shlik jurnalist Shohruh Soipov, janubda o’zbek jurnalisti bo’lish hali ham xatarli. O’zbek matbuoti nazorat ostida. (To'liq suhbatni quyidagi audio player orqali tinglang)
Shohruh Soipov Qirg’iziston janubida 2007-yil oktabrida otib ketilgan jurnalist, “Amerika Ovozi” muxbiri Alisher Soipovning ukasi. Akasining yo’lidan borgan Shohruh ham gazetaga asos solib, janubdagi o’zbek aholini axborot bilan ta’minlashga o’z hissasini qo’shmoqda.
Shohruhning aytishicha, Qirg’izistonda o’zbek matbuotiga munosabat ijobiy emas.
O’sh voqealarini taftish qilgan xalqaro komissiya xulosasiga ko’ra, qirg’iz matbuotida millatchi ruhdagi materiallarning ko’pligi zo’ravonliklarga yetaklagan omillardan biri bo’lgan. Shohruh Soipovning aytishicha, hukumat o’tmish xatolaridan saboq olmagan.
O'zbek tilida O'shda chiqadigan "Dayjest" gazetasi
Alisher Soipov “Amerika Ovozi”ga muxbirlik qilish bilan birga “Siyosat” gazetasiga ham asos solgan edi. O’limidan so’ng gazeta chiqmay qo’ygan edi. Uch yil o’tib Shohruh ham gazeta ochdi, ammo hozircha faqat dayjest shaklida.
24-oktabr kuni Alisher Soipovning hayotdan bevaqt ko’z yumganiga besh yil bo’ladi. Uning o’limi Qirg’izistondagi o’zbek jurnalistikasi uchun jiddiy yo’qotish bo’lgan. Ukasi Shohruhning aytishicha, uning xotirasini abadiylashtirish uchun O’shda muzey tashkillashtirish rejalanyapti.
Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.
Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.
