Learning English
VOA
site logo site logo
Oldingi Keyingi
Breaking News
Yangiliklar

Alisher Soipov xotirasiga Qirg'izistonda So'z erkinligi uchun kurash kuni

Alisher Soipov xotirasiga Qirg'izistonda So'z erkinligi uchun kurash kuni
Alisher Soipov xotirasiga Qirg'izistonda So'z erkinligi uchun kurash kuni

Qirg'iziston rahbari Roza Otunbayeva 24-oktabrni So'z erkinligi uchun kurash kuni deb e'lon qilishga rozi. Yaqin kunlarda bu borada qaror chiqishi kutilmoqda.

Bu tashabbusni mamlakat jurnalistlari prezident e'tiboriga havola etgan va unga aynan shu kuni, 2007-yilda O'shda jurnalist Alisher Soipov o'ldirib ketilganini eslatishgan edi.

Soipov "Amerika Ovozi"ning Qirg'izistondagi muxbiri edi. O'tkir maqolalari bilan tanilgan, "Siyosat" degan mustaqil gazetaga asos solgan edi. Qirg'izistondagi muammolardan tashqari u qo'shni O'zbekistondagi vaziyatni ham yoritar, hukumatlarni tanqid ostiga olib kelar edi.

Uning faoliyati va jurnalist yuzlashgan tahdiddan xabardor odamlar fikricha, Alisher Soipovning o'limi "buyurtma qotillikdir". Xavfsizlik organlari uyushtirgan bu ishni degan fikr keng tarqalgan.

Qirg'izistonning o'sha paytdagi prezidenti Kurmanbek Bakiyev qotilni topishni va'da qilgan edi. Lekin tergov va sud ishi, marhumning oilasi qayd etishicha, boshi berk ko'chaga kirib qolgan. Botken viloyatida ushlanib, Soipovning o'limida ayblanib sudlangan Abdufarit Rasulov 20 yilga qamalgan. Lekin marhum jurnalistning oilasi uning asl qotil ekaniga ishonmaydi. Jinoyatni qaytadan tergov qilish iltimosi javobsiz qoldirilgan.

Xalqaro hamjamiyat, huquq va jurnalistika tashkilotlari adolat ta'minlansin deb keladi. Lekin, mana to'rt yil o'tib ham undan darak yo'q.

Alisher Soipov xotirasiga Qirg'izistonda So'z erkinligi uchun kurash kuni
Alisher Soipov xotirasiga Qirg'izistonda So'z erkinligi uchun kurash kuni

"Bizning mamlakatimiz demokratik rivojlanish yo'lidan ketmoqda va so'z erkinligi uning ajralmas qismi bo'lishi kerak. Bu Qirg'iziston barqarorligi va farovonligi uchun muhim",- deyidi Otunbayeva, bugun tarqatilgan bayonotda.

"Biz bu kunni qayd etish bilan bilan cheklanmay, erkin axborot olish va tarqatish huquqini mustahkamlash uchun konkret choralar ko'rishimiz kerak",- deydi prezident.

"Nafaqat shu kuni, balki har kuni haqiqatni aytish uchun kurashishimiz lozim".

Kelasi hafta Qirg'izistonda prezident saylovlari. Roza Otunbayevaning davlat rahbari sifatidagi kunlari sanoqli.

Shunday bo'lsa-da, Otunbayeva xalqqa 2010-yilning aprelida Kurmanbek Bakiyevni hokimiyatdan ag'dargan insonlar nima istaganini eslatmoqda.

Inqilobchilarning talablaridan biri so'z erkinligiga ega bo'lish edi, deydi prezident.

O'tkir maqolalari bilan tanilgan Alisher Soipov "Amerika Ovozi" muxbiri edi
O'tkir maqolalari bilan tanilgan Alisher Soipov "Amerika Ovozi" muxbiri edi

Qirg'iziston o'z fikrini erkin ayta olish va boshqalarni haqiqatdan ogoh etish uchun o'z jonini fido qilgan farzandlarini unutmaydi, deydi Roza Otunbayeva.

Qirg'iziston matbuot xodimlari uchun eng xavfli jamiyatlardan biri. 2009-yilning dekabrida Bishkekda jurnalist Gennadiy Pavlyuk o'ldirilgan edi. O'sha yili Sirgak Abdildayev ismli muxbir ham hujumga uchragan va vatanini tark etishga majbur bo'lgan edi.

Prezident Otunbayeva bu kabi xuruj va bosimlarni qoralab, jurnalistlar va axborot vositalari himoyasi uchun gapirib keladi. Ularga hech kim buyruq bermasligi kerak, aksincha, jamiyat haqiqatni bilishi uchun ular erkin ishlay olishi shart, deydi rahbar.

2007-yilning 29-oktabrida efirga uzatilgan dasturdan:

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

Back to top
XS
SM
MD
LG