Breaking News

AQShda mehmon arboblar: O'zbekistonda islohotlar davri


O'zbekiston Oliy Majlisi vakillari va davlat rasmiylari Vashingtonda bir necha kun davomida AQSh siyosiy, iqtisodiy va ilmiy doiralari bilan muloqot olib bormoqda

O'zbekiston Oliy Majlisidan senator Alisher Kurmanov, Qonunchilik palatasi a'zosi Akmal Burhanov, shuningdek, Tashqi ishlar vazirligi hamda Davlat Investitsiya Qo'mitasi vakillari AQSh poytaxtida siyosiy doiralar bilan muloqotda. Ular xususiy sektor va nohukumat tashkilotlarning namoyandalari bilan ham uchrashmoqda. Maqsad, deydi mehmonlar, Amerika ahliga O'zbekistondagi o'zgarishlarni tushuntirish, islohot davri qanday kechayotgani haqida samimiy gaplashib olish.

O'zbekiston delegatsiyasi Vashingtonga nima dedi?
Iltimos, kuting...

No media source currently available

0:00 0:15:54 0:00

Muloqotdan umid shuki, Vashingtonda aytilgan gaplar faqat og'izda qolib ketmaydi. Har ikki poytaxtda tegishli idoralar va mutasaddilar ularning amaliyoti ustida sidqidildan ishlay boshlaydi.

17-oktabr kuni O'zbekistonning AQShdagi yangi elchisi Javlon Vahobov Davlat departamentiga ishonch yorlig'i topshirdi.

Senatda Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasi raisi Alisher Kurmanovning izohlashicha, bugungi O'zbekiston g'ayratga to'la. Odamlar hozirgi hayotiga va kelajakka boshqacha qaray boshlagan. Ular taraqqiyot sari yo'l mashaqqatli ekanini allaqachon biladi, lekin o'tgan bir yil ichida yangi rahbariyat xalq ruhini ko'tara oldi. Muammolarni hal qilish tomon intilish kuchaygan, deydi senator. Bunga siyosiy sistemada ham, xususiy sektorda ham, odamlar orasida ham har kuni guvohmiz, dedi Kurmanov AQSh Kongressi qoshida kechgan tadbirda.

AQSh Senati, Vashington, 17-oktabr, 2017
AQSh Senati, Vashington, 17-oktabr, 2017

Prioritetlar

Qonun ustuvorligini ta'minlash, inson huquqlarini hurmat qilish, umuman O'zbekistonda mavjud nainki muammoga tik qarab, ularni hal qilish uchun mamlakatga kuchli iroda, iqtidorli avlod, ilm va tajriba kerak. Tuzum buni tushunadi, deydi senator.

So'z erkinligi, erkin matbuot, chet el axborot vositalariga eshikni ochish, paxta va majburiy mehnat, o'tmish saboqlari va kelajak tamoyillari haqida tushgan savollarga javob berar ekan, Kurmanov yaqin istiqbolda xush xabarlar kuting, deydi. Hozirgi chora-tadbirlar va tobora jadallashayotgan islohotlar samara bersa, vaziyat yaxshilanib borishi kerak.

Paxta va majburiy mehnat masalasi ko'tarilganida Kurmanov oq oltin ham boylik, ham mashaqqat, deya qayd etdi. Qishloq xo'jaligini isloh qilish, sohaga ko'proq texnologiya jalb etish, xalqaro tajribadan o'rganish zarur.

Toshkentda Xalqaro tadqiqotlar markazi rahbari Eldor Aripovga ko’ra, tashqi siyosatda bugun O'zbekiston uchun qo'shnilar bilan hamkorlikni yaxshilash - ustuvor vazifa. Farqlar emas, o'zaro manfaatlarga urg'u beriladi; O'zbekiston atrofidagi har bir mamlakat bilan aloqani mustahkamlashga bel bog'lagan.

AQSh Senati, Vashington, 17-oktabr, 2017
AQSh Senati, Vashington, 17-oktabr, 2017

Mehmonlarning tan olishicha, O'zbekiston uchun ko'plab sohalarda oxirida yurish, reytinglarda eng pastki o'rinlarni egallash uyat.

Respublika vaziyatni har tomonlama yaxshilashga qodir, buning uchun esa tinimsiz ishlash zarur, deydi ular.

O'zbekiston AQSh bilan real serqirra hamkorlik istaydi, siyosiy jabhadan tortib, ta'lim va madaniyatgacha. Delegatsiya bu istakni ko'p marta tilga oldi. Shu paytgacha ochilmagan imkoniyatlar, yopilgan eshiklar, uloqtirilgan tashabbuslar, rad etilgan takliflar, ko'z yumilgan kelishmovchiliklar - hammasi muhokamada, deydi arboblar.

O’zbekiston davlat sarmoya qo’mitasi rais o’rinbosari Laziz Qudratov deydiki, mamlakat sarmoyasiz rivojlana olmaydi, iqtisodiy jihatdan yuksala olmaydi, qolaversa mintaqada va jahon miqyosida raqobatlasha olmaydi.

O'zbekistonda siyosatchilarning yangi avlodi shumi?

Ular kamida uch tilda burro gapiradi, muammo va kamchiliklarni tan oladi, xalqaro hamjamiyat yordamiga muhtoj ekanini yashirmaydi. To'rt so'zlovchining har biri xorijda bilim olgan, ishlab tajriba orttirgan, jumladan ikki rasmiy Vashingtondagi sobiq diplomatlar, senator Londondagi sobiq elchi, qonunchi esa yapon tashkilotini yuritgan.

Birortasi yurtining sobiq rahbarini tilga olmadi. Hozirgi rahbar haqida ham ortiqcha gapirmadi. "Muhtaram prezident" degan so'zlarni eshitmadik.

O'zbekiston qonunchi va rasmiylari, Vashington, 17-oktabr, 2017
O'zbekiston qonunchi va rasmiylari, Vashington, 17-oktabr, 2017

Oliy Majlis bugun qanchalik mustaqil? Xalq ravnaqi uchun bu organ qanchalik kurasha oladi?

"Amerika Ovozi" ning bu savollariga senator Kurmanov va deputat Akmal Burhanovning javob berishicha, parlament mustaqillik tomon qadam tashlay boshlagan; bu ham bir taraqqiyot yo'li, rivojlanish strategiyasining muhim bir qismi.

Burhanov Namangandan saylangan, 2014-yildan beri qonunchi. Bu yil boshidan buyon esa “Taraqqiyot strategiyasi” markazi rahbari. AQSh Senati qoshida kechgan tadbir ketidan uni suhbatga tortdik.

Oliy Majlis a'zosi Akmal Burhanov bilan suhbat, Vashington
Iltimos, kuting...

No media source currently available

0:00 0:10:08 0:00
  • 16x9 Image

    Navbahor Imamova

    Navbahor Imamova "Amerika Manzaralari" turkumidagi ilk teledasturlar muallifi. TV, radio va onlayn diktor, prodyuser, muxbir va muharrir. O'zbekistonda akkreditatsiyadan o'tgan, ya'ni respublikadan turib axborot berish imkoniyatiga yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, editor, web editor, and producer, she has covered Central Asia and America for nearly 20 years on TV, radio and online. For the last year, she has also been reporting from inside Uzbekistan as the only and first-ever accredited U.S.-based journalist. Navbahor is also the founding President of the VOA Women’s Caucus. Educated in Uzbekistan, India, and at Harvard University, she was a 2016-17 Edward S. Mason Fellow at Harvard’s John F. Kennedy School of Government, where she also earned her Masters in Public Administration. Navbahor played a pivotal role in the launch of Uzbek television programming at VOA in 2003 and has since presented more than 800 editions of the flagship weekly show “Exploring America,” which covers American foreign policy for some 40 million Uzbek speakers worldwide, focusing on U.S. relations with Central Asia and life and politics in the United States. She has co-hosted VOA-wide special broadcasts for a global audience. She has received multiple awards for excellence in broadcasting, including the VOA Gold Medal in 2010. As a multimedia journalist, with millions of viewers, listeners, followers, and fans, Navbahor writes and speaks frequently on Uzbek domestic politics, foreign policy, and society, as well as regional issues in Central Asia, for policy, academic, and popular audiences. Her essays have appeared in leading journals, including Foreign Policy, The National Interest, and The Diplomat, and she has lectured at institutions including the U.S. Foreign Service Institute, Columbia University, Johns Hopkins University, Georgetown University, and George Washington University. Navbahor began her career at the Uzbek state broadcaster as a reporter and producer. She taught journalism at her alma mater, the Uzbek State University of World Languages in Tashkent, and then earned a B.A. in journalism and mass communication from Maharaja’s College at the University of Mysore in India. A recipient of the Edmund Muskie Fellowship, she earned her MA in journalism from Ball State University. In 2009, Ball State’s journalism department named her an Outstanding Young Alumna.

Facebook Forum

Shu mavzuda

XS
SM
MD
LG