Breaking News

Telereportaj: O'zbeklar Texasda. 5-qism. Professional bokschilar


Bahodir Mamajonov, professional bokschi (o'ngda)
Amerikani imkoniyatlar diyori deb bejiz aytishmaydi. Iste’dod sohiblari kattaroq imkoniyatlarga erishish, bilim va mahoratlarini oshirish maqsadida bu yurtga oshiqadi. Amerika nafaqat ilm-fan, san’at, ilg’or texnologiyalar mutaxassislari, balki sportchilarni ham o’ziga tortadi. "Amerika Ovozi" yaqinda Texasda bo’lib, professional boks cho’qqilarini zabt etishga harakat qilayotgan o’zbekistonlik sportchilar bilan uchrashdi.

Bahodir Mamajonov asli Qo’qondan. Yoshi 25 da. Boks bo’yicha to’rt karra O’zbekiston chempioni, Osiyo chempioni, harbiylar o’rtasida ikki karra jahon chempioni, xalqaro musobaqalar g’olibi. Havaskor boksda katta yutuqlarga erishib, o’zini professional boksda ham sinamoqchi bo’ldi. Buning uchun Amerikaga borishga qaror qildi.

Bahodir Amerikaga 2010-yil sentabrida kelib, bir yillik tayyorgarlikdan so’ng ilk bor professional ringga chiqdi. U ringga “Baha” taxallusi bilan chiqadi. 61 kilogram vaznda bir yilda 13 jangda qatnashib, birini boy berdi. O’shanda ham 25 jangda mag’lubiyat alamini bilmagan tajribali bokschiga yutqazdi.



Bahodirning tirishqoqligi va mehnatkashligi meni qoyil qoldiradi, deydi uning ustozi Kennet Richardson.

“Bahodirni zalda shug’ullanayotgan paytida ko’rib qoldim. Uning shijoati, shashti menga kuch bag’ishlaydi, u bilan mashq qilgim keladi. Bahodir juda tezkor, iqtidorli bokschi, chapaqay, tez o’rganish qobiliyatiga ega. Raqsga tushishni yaxshi ko’radi, bu esa boksda muhim, chunki oyoq tez harakat qilsa, qo’l ham tezkor bo’ladi. O’zbek xalqi u bilan faxrlansa arziydi”.

Axror Muralimov O’rta Chirchiqdan. Og’ir vaznlilar orasida yaxshi natija ko’rsatmoqda. Bir yilda 13 jang o’tkazib, barchasida g’olib bo’ldi, 11 tasini nokaut bilan yakunladi. Axrorning aytishicha, havaskor va professional boks o’rtasida farq katta.

Kennet Richardsonning o’zbekistonlik tarbiyalanuvchilaridan umidi katta. U nafaqat murabbiy, balki ularga homiy hamdir. Bahodir va Axror ham o’zbek boks maktabining zafarona an’analarini davom ettirish niyatida qat’iy.
  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG