O'zbekistonning yangi elchisi AQSh rahbariga ishonch yorlig'i topshirdi


O'zbekiston elchisi Javlon Vahobov Oq uyda AQSh Prezidenti Donald Tramp bilan, 30-noyabr, 2017

AQSh poytaxtida O'zbekistonning yangi bosh diplomati favqulodda va muxtor elchi sifatida ish boshladi. 37 yoshli Javlon Vahobov 30-noyabr kuni Oq uyda Prezident Donald Trampga ishonch yorlig'i topshirdi.

17-oktabr kuni bu hujjatning nusxasi Davlat departamentiga uzatilgan edi. Trump ma'muriyati O'zbekiston bilan hamkorlikni kengaytirish niyatida. Prezident Tramp elchiga bu borada aytgan.

Tramp nazarida O'zbekiston Markaziy Osiyo xavfsizligi va birdamligi hamda Afg'onistonni barqarorlashtirishda muhim rol o'ynaydi.

Vahobov 2013-yildan beri Tashqi ishlar vaziri muovini lavozimida ishlab kelgan. Toshkent shahrida ulg'aygan rasmiy Jahon iqtisodiyoti va diplomatiya universitetidan bakalavrlik va magistrlik diplomlariga ega.

Tashqi ishlar vazirligiga ko'ra, Vahobov bu organdagi faoliyatini 2001-yilda referent sifatida boshlagan.

2006-2011 yillarda u prezident devonida maslahatchi bo'lib ishlagan. 2011-2013 yillarda esa Milliy Xavfsizlik Kengashida kotib o'rinbosari bo'lgan.

Keyingi bir yil mobaynida Strategik va mintaqaviy tadqiqotlar institutiga rahbarlik qilgan. Bu institut O'zbekiston hukumatini, xususan prezident devonini siyosiy tahlil bilan ta'minlaydigan asosiy maskan hisoblanadi.

Vahobovni yaxshi bilganlar uning xorijiy diplomatik tajribaga ega emasligini tan olsa-da, rasmiyni kuchli tahlilchi, o'tkir strateg deya maqtaydi.

Tashqi ishlar vaziri muovini etib u 2013-yilning oxirida tayinlangan. 2015-yilda vazirning birinchi o'rinbosari lavozimiga ko'tarilgan. Bu vazifada u vazirlikdagi asosiy analitik, shuningdek, axborot va kommunikatsion texnologiyalar bo'yicha ham bosh rasmiy hisoblanar edi.

Vahobov oilali, uch farzandi bor. Elchi o'zbek va rus tillaridan tashqari ingliz va ispan tillarida ham gaplashadi.

O'zbekistonning Vashingtondagi elchixonasi
O'zbekistonning Vashingtondagi elchixonasi

​AQShda O'zbekiston 15-20 nafar orasida diplomatga ega. Vashingtondagi elchixona Kanada, Meksika va Braziliya singari g'arbiy yarim shardagi yirik davlatlar bilan ham diplomatik aloqalarga mas'ul. Konsullik idoralari Vashington va Nyu-Yorkda.

BMTdagi elchi ham yaqinda yangilandi: AQSh va Janubiy Koreyada yuqori lavozimlarda diplomatlik qilib kelgan Baxtiyor Ibragimov.

O'zbekistonning Vashingtondagi elchixonasi 1993-yilda ochilgan.

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi ilk teledasturlar muallifi. TV, radio va onlayn diktor, prodyuser, muxbir va muharrir. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America and a leading Washington-based authority on geopolitics and national development in Central Asia. As anchor, reporter, multimedia editor and producer, she has covered Central Asia and the U.S. for over 15 years on TV, radio and online. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented nearly 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She is frequently asked to speak on regional issues in Central Asia, as well as Uzbek politics and society, for policy, academic, and popular audiences, including the U.S. Foreign Service Institute, Princeton University, Columbia University, Johns Hopkins University, Georgetown University, George Washington University, Michigan State University, the University of Wisconsin, Northeastern University, and her alma mater Harvard University. Her essays on the region have been published in journals and edited volumes, including Central Eurasian Studies Review and Demokratizatsiya: The Journal of Post-Soviet Democratization.

    She began her career at the Uzbek state broadcaster. She holds a Bachelor of Arts in journalism and mass communication from Maharaja’s College at the University of Mysore, India and a Master of Arts in journalism from Ball State University.

Facebook Forum

XS
SM
MD
LG