Ispaniyada kechagi terror xurujlariga aloqador shaxslar qidirilmoqda. Kambrils shahrida politsiya besh hujumchini otib o'ldirgan. Ular mashinasida besh fuqaro va bir politsiyachini yaralagan.
Bu voqeadan bir necha soat oldin Barselonada ham miniven haydovchisi ataylab odamlar ustiga bostirib borishi oqibatida 14 kishi halok bo'lgan, qariyb 100 kishi jarohatlangan edi.
O'zini "Islomiy davlat" deb targ'ib qiluvchi terrorchi guruh ushbu hujum uchun javobgarlikni o'z zimmasiga olgan.
Barselonadagi hujumdan keyin mashina haydovchisi qochib ketgan. Driss Oukabir ismli shaxs avtomobilni ijaraga olganligi ma'lum.
Aniqlanishicha, bu odam Ispaniyaning Afrikadagi anklavi bo'lgan Melilada tug'ilgan.
Kataloniya muxtor hududi ichki ishlar vaziri yaradorlardan ba'zilarining vaziyati og'ir ekanligini bildirib, qurbonlar soni ortishi mumkinligini aytgan.
Politsiya, shuningdek, hujum bilan aloqador ikki kishining qo'lga olingani, bulardan biri marokashlik, boshqasi esa Ispaniyaning Afrikadagi hududi - Meliladan ekani va Ispan fuqarosi bo'lganini bildirgan.
Rasmiylar terakni "jihodchilar harakati" deb baholamoqda.
AQSh Prezidenti Donald Tramp va xalqaro hamjamiyat vakillari hodisani keskin qoraladi.
Facebook Forum