AQSh hisobotiga ko'ra, Afg'onistonni tiklash ishlari sust
Amerika Ovozi
Kobul, Afg'oniston
AQShning Afg’onistonda tiklanish ishlari uchun sarflangan pulini taftish qilgan maxsus inspektor xulosasiga ko’ra, dasturlar o’z vaqtida bajarilmayapti.
"Ulardan kutilgan natijani Amerika qo’shinlari mamlakatni tark etganidan so’nggina ko’rish mumkin", - deyiladi hisobotda.
Yetti loyihadan beshtasi hali boshlanmagan. Shulardan to’rttasi mamlakat janubida elektr ta’minotini oshirishga, beshinchisi esa viloyatlarda adolat markazini yaratishga qaratilgan.
Hujjatda aytilishicha, loyihalar ishga tushganidan so’ng ham Afg’oniston hukumatida ularni yuritishga mablag’ va yetarli malaka bo’lmaydi.
AQSh Afg’onistonni tiklash ishlari uchun 2 milliard dollarga yaqin pul ajratgan.
