Venesuelaning sotsialist hukumati tarqatgan xabarga ko'ra, poytaxt Karakasda "davlat to'ntarishiga urinish" yuz bermoqda. Muxolifat yetakchisi va AQSh qo'llab-quvvatlovini olgan Xuan Guaydo esa Prezident Nikolas Maduroni ag'darishga qaratilgan harakatlar endi to'xtamasligini aytmoqda.
Poyaxt ko'chalari namoyishga chiqqan minglab odamlar bilan to'lgan. Maduroga sodiq kuchlar odamlarga qarata suv purkamoqda. Ayrim hududlarda otishma ovozlari ham yangragan.
"Bugun konstitutsiyani himoya qilayotgan jasur askarlar, jasur vatanparvarlar va jasur kishilar bizning chaqiriqqa labbay deb javob berdi", - dedi "Twitter" orqali Guaydo.
"It’s to be in the Constitution’s side. Maduro is the one carrying out the coup from Miraflores."Juan Guaido took to the streets with military troops he said had joined his effort to overthrow President Nicolas Maduro.https://t.co/FcvgsXM9Kc pic.twitter.com/6n75qcZNjn
— The Voice of America (@VOANews) April 30, 2019
"Hozir ayni vaqti. Mamlakatning 24 shtati shu yo'ldan yurdi, ortga qaytish yo'q, kelajak bizniki. Xalq va qurolli kuchlar zulmni to'xtatish uchun birlashdi", - deya qo'shimcha qildi u.
Bunga javoban Maduro "Twitter" orqali barcha qurolli kuchlar unga sodiq ekanini e'lon qildi. "Biz g'alaba qozonamiz", - deb yozdi u.
Guaydo esa harbiylar xalqqa qo'shilganini da'vo qilmoqda.
Harbiy baza yaqinida Maduro kuchlari va namoyishchilar to'qnashgan. Askarlar yig'ilganlarga qarshi ko'zdan yosh oqizuvchi gaz qo'llagan.
Guaydo o'z chiqishida uy qamog'ida saqlangan yana bir muxolif siyosatchi Leopoldo Lopez bilan ko'rinish bergan. Uning aytishicha, xalqqa qo'shilgan askarlar Lopezni ozod qilgan.
Lopez "Twitter"ga harbiy kiyimdagi odamlar bilan birga tushgan suratini joyladi.
Venezuela: ha iniciado la fase definitiva para el cese de la usurpación, la Operación Libertad. He sido liberado por militares a la orden de la Constitución y del Presidente Guaidó. Estoy en la Base La Carlota. Todos a movilizarnos. Es hora de conquistar la Libertad. Fuerza y Fe pic.twitter.com/Awm6P09ZM0
— Leopoldo López (@leopoldolopez) April 30, 2019
Venesuela Mudofaa vaziri Vladimir Padrino hammasi nazorat ostida ekanini, armiya Maduroni "qattiq himoya qilishini" yozdi.
So'nggi yillarda Venesuelada yuz bergan iqtisodiy inqiroz ortidan mamlakatda oziq-ovqat va dori-darmon tanqisligi paydo bo'lgan. Ko'plab G'arb davlatlari, xususan, AQSh Xuan Guaydoni muvaqqat prezident sifatida tan olgan bo'lsa, Rossiya va Xitoy Maduroni qo'llab-quvvatlashni davom ettirmoqda.
Oq uyning xabar berishicha, AQSh Venesueladagi vaziyatni yaqindan kuzatmoqda va Prezident Donald Tramp voqealardan xabardor.
Davlat kotibi Mayk Pompeo AQSh Venesuela xalqining ozodlik kurashini to'la qo'llab-quvvatlashini bildirdi.
Supporters of Venezuelan opposition leader Juan Guaido took to the streets Tuesday, April 30, at an opposition rally outside a Caracas air base. Footage shows protestors yelling and being affected by tear gas.https://t.co/FcvgsXM9Kc pic.twitter.com/qyHLTOWuGh
— The Voice of America (@VOANews) April 30, 2019
Milliy xavfsizlik bo'yicha maslahatchi Jon Bolton ham Venesuela armiyasini xalqni himoya qilishga chaqirib, mamlakatdagi vaziyatni o'nglash uchun barcha choralar nazardan qochirilmayotganini ta'kidladi.