Breaking News

Muhabbat Shamayeva, Izro Malakov O'zbekistonda yana katta sahnada


O'zbekiston xalq artisti Izro Malakov "Amerika Ovozi" bilan suhbatda, Toshkent, 28-avgust, 2018

Qariyb 30 yildan beri Amerikada yashayotgan O'zbekiston xalq artistlari Muhabbat Shamayeva va maqom ustasi Izro Malakov respublika poytaxtidagi Turkiston san'at saroyida sahnaga chiqib, mashhur qo'shiqlarini ijro etdi. Shu kungacha bunday imkoniyat bo'lmagan edi, deydi san'atkorlar.

Malakov Amerikada yetishtirayotgan shogirdlarini ham o'zbek ommasiga tanishtirdi. Kelasi hafta bu hofizlar Shahrisabzda o'tadigan xalqaro maqom festivalida ham ijro etadi.

"Amerika Ovozi" bilan suhbatda Muhabbat Shamayeva O'zbekistonning qadri, o'zbek muxlislar va nega Amerikada yashashi haqida so'zladi.

"Olisdaman lekin qalbimda hamon O'zbekiston artistiman, xuddi shu yerda yashaydigan odamdek ijod qilaman", - deydo Shamayeva.

Muhabbat Shamayeva "Amerika Ovozi" bilan suhbatda, Toshkent, 28-avgust, 2018
Muhabbat Shamayeva "Amerika Ovozi" bilan suhbatda, Toshkent, 28-avgust, 2018

Nima uchun unda AQShda yashaysiz? - degan savolga u 1980-yillarda, Sovet davrida, yahudiylarga nisbatan siyosiy munosabat salbiy bo'lgani va Amerika bu elat vakillariga eshik ochgani, jumladan Buxoro yahudiylariga boshpana berganini sabab qilib ko'rsatadi.

Shamayevaning butun oilasi o'zi bilan Nyu-Yorkning Kvins tumanida yashaydi. Aynan shu hudud Buxoro yahudiylarining zamonaviy makonidir. Ular bu tumanda o'z markazlari, matbuoti, ibodatxona va boshqa dargohlariga ega.

O'zbekistonning AQShdagi elchixonasi o'tkazgan madaniy tadbirlarni qizitadiganlar ham aynan Buxoro yahudiylaridan iborat ijodkorlardir.

Muhabbat Shamayeva O'zbekistonda yana katta sahnada
Iltimos, kuting...

No media source currently available

0:00 0:06:50 0:00

Jamoa azaldan O'zbekiston hukumati bilan apoq-chapoq. Islom Karimov davrida ham aloqa ijobiy edi. Respublika ularga yopilmagan.

Lekin, deydi san'atkorlar, bugun o'zgacha kayfiyat hukmron. Ular O'zbekiston bu insonlar bilan haqiqatda faxrlanishi, hamkorlik qilishni istashi va bu istak real ekanini isbotlamoqda.

Izro Malakov deydiki, u yillardan beri O'zbekistonga mehmonlar olib keladi. Musiqiy-madaniy targ'ibotdan tashqari mamlakatning xorijga notanish jihatlarini reklama qilishga ham urinadi. Malakov fikricha, o'zbeklarning oilaviy qadriyatlari ayniqsa bebaho.

Izro Malakov: O'zbekistonda bunday konsertni ilk marta berayapmiz
Iltimos, kuting...

No media source currently available

0:00 0:12:09 0:00

"O'zim yahudiy, lekin butun vujudim va jasadim o'zbek", - deydi Malakov ham sahnada, ham "Amerika Ovozi" bilan suhbatda o'zlik haqida so'zlar ekan.

O'zbekchilik uning uchun milliy qadriyatlar, odob-ahloq va ma'naviy boylikdan iborat. Musiqa, xususan maqom, ularni o'zida mujassam etgan yo'nalish, deydi san'atkor.

Turkiston san'at saroyidagi konsert nafaqat ijodiy kecha balki siyosiy tadbir ekanini Malakov tan oladi. Buxoro yahudiylari uchun katta sahnalar ochiq ekani O'zbekiston naqadar bag'rikeng yurt ekanini ko'rsatadi, deydi u.

Buxoro yahudiylari faqat O'zbekiston hukumati emas, Amerika siyosiy doiralariga ham yaqin. O'zlarini madaniyat elchilari va o'zaro manfaatlarni olg'a surishga qodir iqtidorli jamoa deb biladi.

Muhabbat Shamayeva va Izro Malakov bilan suhbatlarda ular bu borada faxr bilan so'zladi.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

XS
SM
MD
LG