Breaking News

Pompeo, Komilov: AQSh va O'zbekiston har doimgidan ham yaqin


Toshkent, 3-fevral, 2020

Toshkentdagi uchrashuvlarda AQSh bosh diplomati deydiki, bugungi O'zbekiston tobora faol va Vashington bilan serqirra hamkorlik tarafdori. Tramp ma'muriyati bundan minnatdor. Biroq hali ko'p qadamlar tashlanishi kerak, deydi Davlat kotibi Mayk Pompeo. Tramp ma'muriyati O'zbekistonda islohotlar jadallashadi degan umidda.

O'zbekiston Tashqi ishlar vaziri Abdulaziz Komilovga ko'ra, respublika Amerika bilan hamkorlikni kengaytirish uchun qo'ldan kelgan barcha qadamlarni tashlamoqda.

"Xususan, AQSh bizneslari uchun zarur sharoitni yaratish bilan bandmiz. Bu masalaga alohida e'tibor qaratib kelayapmiz", - deydi Komilov.

Vashington Prezident Shavkat Mirziyoyev uch yil oldin boshlagan islohotlarni quvvatlab kelayotgani uchun Toshkent unga rahmat aytmoqda.

"Islohotlar samarasi yo'lida birgalikda ishlaymiz", - deydi Komilov.

Uning qayd etishicha, O'zbekiston uchun Amerika bilan ta'limiy, ilm-fan sohasidagi almashinuvlar va texnik yordam nihoyatda muhim.

Komilov AQSh bilan muloqotda inson huquqlari, jumladan, diniy erkinlik va matbuot erkinligi bilan bog'liq masalalar yuqori o'rinda. O'zbekistonda majburiy mehnatga qarshi kurash borasida ham Amerika madadi chuqur ahamiyatga ega, deydi respublika tashqi ishlar vaziri.

AQSh Davlat kotibi ham O'zbekiston bilan Afg'oniston va mintaqaviy xavfsizlik borasida hamkorlik, savdo va biznes, huquq va demokratiya targ'iboti hamda ilmiy-madaniy rishtalar rivojlanishi yuzasidan gaplashib olganini aytadi.

Bir kun oldin Qozog'iston poytaxtida bo'lgani kabi Pompeo Toshkentda ham bir nozik masalani ko'targan: Xitoy uyg'urlarga zulm o'tkazar ekan, Markaziy Osiyo hukumatlari bu elatni himoya qilishi va biror hukumat ularni Pekinga topshirmasligi lozim. AQShning bu chaqirig'i yuzasidan Qozog'iston va O'zbekiston rasmiylari umuman og'iz ochmaydi. Biroq Amerika diplomatlariga ko'ra, bu masala dolzarbligicha qoladi.

Toshkent, 3-fevral, 2020
Toshkent, 3-fevral, 2020

Pompeo Toshkentdagi uchrashuvlarda deydiki, Tramp ma'muriyati O'zbekiston va butun mintaqada Xitoy va Rossiya bilan bellashishni istamaydi. O'zbekistonda islohotlar jadallashib, siyosiy va biznes muhit yaxshilansin, buning natijasida esa Amerika xususiy sektoridan ko'proq sarmoya kira boshlaydi va hamkorlik oshadi, deydi Pompeo. Vashington, deydi u, O'zbekiston hukumati va uning qo'shnilari yaqinidagi yirik davlatlar bilan ishlashga majbur ekanini, ular bilan ham o'ziga xos rishtalarga ega ekanini tushunadi va tan oladi.

Toshkent va Vashington Afg'onistonda uzoq yillik mojaro tugab, tinchlik o'rnatilishi uchun birga harakat qilib kelmoqda, deydi bosh dilplomatlar. Jarayon sekin. Tolibon va Afg'oniston hukumati murosadan yiroq. Lekin urush nihoyasiga yetishi zarur, deydi Pompeo. Bundan boshqa yo'l yo'q, deya qo'shiladi Komilov. Har ikki tomon eslatishicha, Afg'oniston tinchligi oxir-oqibat afg'onlarning o'z qo'lida.

Markaziy Osiyo+AQSh=C5+1 yoxud "hammaning e'tibori Mirziyoyevda"
Iltimos, kuting...

No media source currently available

0:00 0:27:55 0:00

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

Shu mavzuda

XS
SM
MD
LG