Afg'oniston: Tolibon hujumida 13 politsiyachi halok bo'ldi

  • Amerika Ovozi

Afg'oniston shimolida ro'y bergan Tolibon hujumida kamida 13 askar halok bo'lgan. Yaxshi qurollangan jangarilar Qunduz viloyatining Xonobod tumanida politsiya postini o'qqa tutdi, deydi rasmiylar.

Xonobod politsiya boshlig'i Hayatulla Amiriyning "Amerika Ovozi"ga aytishicha, toliblar o'zi bilan qurol-aslaha, o'q-dori va zirhli harbiy mashinani olib ketgan.

Tolibon harakati hujumni uyushtirganini darhol tan olib, jami 17 politsiyachi va ularning qo'mondoni otishmada o'lganini da'vo qilmoqda. Harakat so'zlovchilari odatda jang maydonidagi yutuqlarni bo'rttirib tasvirlaydi.

Bu voqeadan bir kun avval G'azni viloyatida ham to'qqiz politsiyachi o'lgan. Oktabr oyida jangarilar Afg'oniston bo'ylab qator qonli hujumlar uyushtirdi, jumladan politsiya idoralari, harbiy bazalar va masjidlarda.

Ayni paytda mamlakat hududining taxminan 40 foizi Tolibon nazoratida.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG