Breaking News
Din

Diniy jamoalar a’zolari bilan qanday bog’lanyapti?


Koronavirus davri: Diniy dargohlar jamoa bilan qanday bog'lanyapti?
Iltimos, kuting...

No media source currently available

0:00 0:02:50 0:00

Ba’zi masjidlar qat’iy qoidalar ostida namozxonlar uchun ochiq, boshqalari yopiq. Diniy yetakchilar o’z jamoatlari bilan aloqada bo’lishning turli yo’llarini qidirmoqda.

“Konferens-aloqa, shuningdek, ijtimoiy tarmoqlarda feysbuk-layv va “Twitter” orqali gaplashib turamiz”, - deydi pastor Kendrik Kelli.

Pastor va uning rafiqasi boshqalarga yordam berishni ham muhim deb biladi.

“Keksalarga oziq-ovqat yoki mahsulot yetkazish, maktablar yopiq bo’lgan hozirgi paytda bolalar ta’limi kanda bo’lmasligi bo’yicha hamkorlik qilyapmiz”, - deydi u.

“Agar ijodiy mahoratingiz bo’lsa, uni ishga solib boshqalar bilan bog’laning. Hammani shunga undayapmiz”, - deydi pastor yordamchisi Karen Kerri.

Karenning o’zi “To’xta, bir zum orom ol” nomli she’r yozib, “Facebook”ka joylashtirdi.

“Odamlarni yugur-yugurdan to’xtang, deb she’r yozdim. To’xtab atrofga nazar solaylik, tinglaylik, hayotimizda nimalar bo’layotganini anglaylik”, - deydi Karen.

Ijtimoiy uzoqlashuv davrida ayrim cherkovlar ibodatni onlayn uzatmoqda.

Tashqarida o’tayotganlari ham bor.

“Xudoga shukrona aytish uchun markaziy maydonga keldik”, - deydi Pit Norman.

“Xudoni yurakka joylab, Kapitoliyga kelish ajoyib. Bu yerda yig’ilishib, hayotimizda nimalar bo’layotganini muhokama qilamiz”, - deydi Karrington Adkins.

Pastor Kerri nazarida ham har bir inson hayotini qayta ko’rib chiqadigan payt hozir.

“Hozir nafaqat insoniy aloqalar, bir-birimiz haqida o’ylaydigan vaqt, balki ruhiyatni ham oziqlantirish lozim. To’xtab o’zingizga vaqt ajrating, nafas oling, yer yuzidagi go’zalliklarni qadrlang va bahra oling. Chunki odatda barchamiz shoshib yashaymiz”, - deydi pastor.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG