Breaking News

Yevropa, savdo hamkori, O'zbekistonga paxta bo'yicha shart qo'ymoqda


Yevropa, savdo hamkori, O'zbekistonga paxta bo'yicha shart qo'ymoqda

O'zbekistonda paxta terimi avjida. Kattayu kichik oq oltinni yog'ingarchilik boshlanmay turib yig'ib olish kerak deya dalaga olib chiqilmoqda.

Mana shunday tig'iz kunlarda Yevropa Parlamenti a'zolari O'zbekiston hukumatini bolalarni majburan ishlatayotganlikda ayblab, respublika bilan to'qimachilik bobida hamkorlikni cheklash kerak deya bong urmoqda.

Fransiyalik deputat Nikol Kiil-Nielsen taklifini parlamentning Tashqi aloqalar bo'yicha qo'mitasi a'zolari bir ovozdan ma'qullagan.

Nikol Kiil-Nielsen, fransuz qonunchi, O'zbekiston hukumati bolalarni majburlab paxtazorga olib chiqmasin deydi
Nikol Kiil-Nielsen, fransuz qonunchi, O'zbekiston hukumati bolalarni majburlab paxtazorga olib chiqmasin deydi

Bugun Bryusselda ko'rib chiqilgan hujjatda qayd etilishicha, O'zbekiston hukumati paxta terimida bolalar mehnatidan foydalanilmayotganini isbotlab, respublikada bu borada qabul qilingan qonunlar amalda aksini topib, yosh avlod sog'lig'i, ta'limi va maktabdan qolmasligi uchun konkret choralar ko'rilib, shuningdek, vaziyatni yaqindan kuzatish va tekshirish uchun xalqaro organlar, xususan Xalqaro Mehnat Tashkiloti va UNICEF (BMT Bolalar Jamg'armasi) mamlakatga bemalol kirib, ma'lumot ola bilsagina, hamkorlikni kengaytirish mumkin.

1999 yilda qabul qilingan Sheriklik va Hamkorlik Bitimi Yevropa Ittifoqi-O'zbekiston orasidagi asosiy savdo shartnomasidir. Qo'mita cheklov qo'ymasa, bu hujjat doirasida O'zbekiston o'z paxtasini pastroq tariflarda eksport qilishi mumkin edi. Respublika oq oltin eksportining chorak qismi Yevropaga to'g'ri keladi.

Tashqi aloqalar bo'yicha qo'mitaning bugungi majlisida Yevropa Ittifoqiga a'zo davlatlar O'zbekiston bilan bir pozitsiyadan turib muloqot qilishi kerak degan chaqiriqlar yangragan.

Yevropa, savdo hamkori, O'zbekistonga paxta bo'yicha shart qo'ymoqda
Yevropa, savdo hamkori, O'zbekistonga paxta bo'yicha shart qo'ymoqda

Inson huquqlari va fuqaro manfaatlari geosiyosiy maqsadlardan ustun qo'yilmay, ikkiyuzlamachilikka berilmagan holda aloqa yuritish lozim, O'zbekiston prezidenti Islom Karimov bilan ochiq va dangal muzokara qilish kerak, deydi Yevropa qonunchilari.

Rasmiy Toshkent Bryusseldagi bu bayonot va qarorlarga nisbatan munosabat bildirmagan. Mamlakat paxta yetishtirishda dunyoda beshinchi, eksport bo'yicha esa uchinchi o'rinda turadi. Bolalar mehnati masalasi ko'tarilganida, rasmiylar shu kungacha qabul qilingan, jumladan bolalar ekspluatatsiyasini man etuvchi qonunchilikka ishora qiladi.

Yevropa Ittifoqi butun Markaziy Osiyo, jumladan O'zbekiston bilan aloqalarni kengaytirish maqsadida yangi strategiya ishlab chiqqan. Unga ko'ra, har bir hukumat bilan muntazam muzokaralar olib boriladi va o'zaro manfaatlardan kelib chiqib, hamkorlik qilinadi.

Xalqaro huquq tashkilotlari Ittifoqni huquq va demokratiya masalasini chetga surayotganlikda ayblasa, Yevropa rasmiylari buni rad etadi. Ijtimoiy va siyosiy erkinliklar targ'iboti davom etadi, deydi ular.

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi ilk teledasturlar muallifi. TV, radio va onlayn diktor, prodyuser, muxbir va muharrir. O'zbekistonda akkreditatsiyadan o'tgan, ya'ni respublikadan turib axborot berish imkoniyatiga yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, editor, web editor, and producer, she has covered Central Asia and America for nearly 20 years on TV, radio and online. For the last year, she has also been reporting from inside Uzbekistan as the only and first-ever accredited U.S.-based journalist. Navbahor is also the founding President of the VOA Women’s Caucus. Educated in Uzbekistan, India, and at Harvard University, she was a 2016-17 Edward S. Mason Fellow at Harvard’s John F. Kennedy School of Government, where she also earned her Masters in Public Administration. Navbahor played a pivotal role in the launch of Uzbek television programming at VOA in 2003 and has since presented more than 800 editions of the flagship weekly show “Exploring America,” which covers American foreign policy for some 40 million Uzbek speakers worldwide, focusing on U.S. relations with Central Asia and life and politics in the United States. She has co-hosted VOA-wide special broadcasts for a global audience. She has received multiple awards for excellence in broadcasting, including the VOA Gold Medal in 2010. As a multimedia journalist, with millions of viewers, listeners, followers, and fans, Navbahor writes and speaks frequently on Uzbek domestic politics, foreign policy, and society, as well as regional issues in Central Asia, for policy, academic, and popular audiences. Her essays have appeared in leading journals, including Foreign Policy, The National Interest, and The Diplomat, and she has lectured at institutions including the U.S. Foreign Service Institute, Columbia University, Johns Hopkins University, Georgetown University, and George Washington University. Navbahor began her career at the Uzbek state broadcaster as a reporter and producer. She taught journalism at her alma mater, the Uzbek State University of World Languages in Tashkent, and then earned a B.A. in journalism and mass communication from Maharaja’s College at the University of Mysore in India. A recipient of the Edmund Muskie Fellowship, she earned her MA in journalism from Ball State University. In 2009, Ball State’s journalism department named her an Outstanding Young Alumna.

XS
SM
MD
LG