Breaking News

O'zbekiston Istanbul deklaratsiyasiga imzo chekmagan


Afg'oniston oyoqqa tura oladi, deydi Hamid Karzay. Xalq urushlardan to'ygan.

O'zbekiston qani?

Bugun Turkiyaning Istanbul shahrida Afg'oniston taqdiri yuzasidan fikr almashgan mamlakatlar deklaratsiya qabul qilib, bu davlatni tiklash yo'lida yordam va'da qilgan. Mintaqaviy xavfsizlik va hamkorlikka urg'u beruvchi bu hujjat Istanbul kelishuvi deb ataladi.

Bir kunlik anjumanda Afg’onistonning bevosita va bilvosita qo’shnilari Tojikiston, O’zbekiston, Turkmaniston, Pokiston, Qozog’iston, Xitoy, Hindiston, Qirg’iziston, Rossiya, Saudiya Arabistoni va Birlashgan Arab Amirliklaridan diplomatlar qatnashgan.

Lekin yig'in oxirida e'lon qilingan deklaratsiyada O'zbekiston umuman tilga olinmaydi. Na imzo chekkanlar va na uni quvvatlaganlar qatorida.

Toshkent, 22-oktabr 2011
Toshkent, 22-oktabr 2011

O'zbekiston hukumati bu borada lom-mim demaydi. Odatda siyosiy pozitsiyani bayon qiladigan davlat matbuotida ham bu borada hech gap yo'q. Istanbuldagi anjuman umuman yoritilmagan.

Oktabr oyi boshida Toshkentda AQSh va Germaniyaning Afg'oniston bo'yicha maxsus elchilarini qabul qilgan va sal o'tib Oqsaroyda AQSh Davlat kotibasi Xillari Klinton bilan uzoq suhbat qurgan Islom Karimov bu anjumanga katta qiziqish bildirib, unda ishtirok etish niyatini izhor etgan edi.

Aytish joiz, Amerika rasmiylari har safar O'zbekiston haqida gapirganida, bu davlat Afg'onistonga elektr toki uzatayotgani, qurilish va infrastruktura bobida ko'maklashayotgani hamda xalqaro koalitsiyaga zarur mahsulotlar tashuvchi Shimoliy Ta'minot Tizimida faol rol o'ynayotganini eslatadi.

Qo'shnilar va yirik davlatlar yordamisiz oyoqqa tura olmaymiz, deydi afg'on rahbari Hamid Karzay
Qo'shnilar va yirik davlatlar yordamisiz oyoqqa tura olmaymiz, deydi afg'on rahbari Hamid Karzay

Afg'onistonda terrorchi guruhlarga qarshi 10 yildan beri kurashayotgan AQSh nazarida bu o'lka demokratik jamiyatga aylanishi uchun butun dunyo uni birdek quvvatlashi lozim.

Istanbuldagi anjumanda Afg'onistonda tinchlikka erishish uchun jangarilar bilan murosa qilish lozimligi tan olingan va AQShning xavfsizlikni ta'minlash ishlarini mahalliy kuchlarga topshirayotgani ma'qullangan.

Shuningdek, qatnashchilar Janubiy va Markaziy Osiyoni bog'lovchi yangi savdo yo'llar barpo etish tashabbusini olqishlagan.

Istanbul anjumani
Istanbul anjumani

Yangi Ipak Yo'li deya nomlangan bu loyihada, AQSh ta'biricha, Afg'oniston asosiy rol o'ynaydi. Proyektni amalga oshirish uchun avvalo tinchlikni ta'minlash kerak.

Vashington "Istanbul deklaratsiyasi - Afg'oniston kelajagi uchun poydevor" deya e'tirof etmoqda.

Anjumanga Qo'shma Shtatlardan borgan delegatsiyaga Davlat kotibi muovini Vilyam Burns boshchilik qildi.

Kobuldagi novvoyxona
Kobuldagi novvoyxona

Uning aytishicha, Obama ma'muriyati Afg'onistonni qayta tiklashda uning atrofidagi davlatlardan keng qamrovli hamkorlik va hamjihatlik kutmoqda. Notinch mamlakat iqtisodiyoti hozirda asosan Amerika madadiga asoslangan. Iqtisodni oyoqqa turg'azish barqarorlikka yetaklovchi omillardan biri, deydi Vilyam Burns.

5-dekabrda Germaniyaning Bonn shahrida bu borada yana bir katta yig'ilish rejalangan.

Unda, deydi Amerika rasmiylari, xalqaro hamjamiyat uzoq muddatli yordam borasida aniq reja va takliflarini tanishtiradi.

Istanbulda tilga olingan loyiha va tashabbuslar uchun mablag' topish kerak. Bonn anjumanida donor davlatlar qancha berishga tayyor ekanini bildiradi.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG