Breaking News

Kurdiston mustaqillik uchun referendumni qoldirmaydi


Mintaqa davlatlari va G'arbdan kelayotgan kuchli bosimga qaramasdan, Kurdiston muxtoriyati 25-sentabrga belgilangan mustaqillik bo'yicha referendumni bekor qilmaydi.

Kurdiston referendumini kechiktirmoqchi emas
Iltimos, kuting...

No media source currently available

0:00 0:02:11 0:00

Etnik va madaniy jihatdan xilma-xil, bir necha tilda so’zlashuvchi aholidan iborat Kurdiston mintaqasini Yevropa mustamlakachilari XIX-asrning boshlarida Suriya, Turkiya, Eron va Iroq orasida bo'lib yuborgan.

Iroq shimolida yashovchi xalq o’z mustaqil davlati bo’lishini istaydi.

“Menimcha dini, tili, tarixi, madaniyati bir bo’lgan xalq o’z mustaqil davlatiga ega bo’lish uchun referendum o’tkazishga to’la haqli”, - deydi kurdlardan biri Saman Sodiq.

Xalqaro miqyosda referendumni kechiktirish yoki umuman o’tkazmaslikka undayotganlar ko'p. G'arb hukumatlari nazarida “Islomiy davlat” jangari guruhiga qarshi kurash chetda qolib ketadi. Regiondagi boshqa davlatlar, masalan Turkiya ichki nizolar ortishidan, referendum ayirmachi guruhlarni ruhlantirib yuborishidan xavfsiraydi.

“Siyosiy tahlilchilar, qolaversa Iroq hukumati moliyalaydigan qurolli kuchlar Bag’dod va Irbil birdek da'vo qiluvchi hududlarda urush bo'lishi haqida ogohlantirmoqda ”, - deydi kurd partiyalaridan birining faoli Karzan Gardi.

Mustaqil Kurdiston tarafdorlari esa vaziyat qaltis bo'lsa-da, tadbirni qoldirmaslik kerak degan fikrda.

“Referendum o’tib, bizning mustaqil davlat ekanimiz e’lon qilinsa, iqtisodimiz rivojlanadi. Boshqa davlatlar kabi savdo shartnomalarini tuzamiz”, - deydi Kurdiston Demokratik partiyasidan Ari Nanakali.

Xalqaro hamjamiyat kelajakda Kurdiston mustaqilligini qo'llab-quvvatlasa, kurd rahbarlari referendumni kechiktirishga ochiq ekanini ham bildirgan edi. Ammo kurd aholi bu rejaga qarshi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG