Breaking News

Otunbayeva ichki ishlar tizimini isloh qilishda xorijdan madad so'ramoqda


Otunbayeva ichki ishlar tizimini isloh qilishda xorijdan madad so'ramoqda

Yevropada Xavfsizlik va Hamkorlik Tashkiloti (YXHT) Qirg'izistonga yordam ko'rsatib keladi, lekin prezident Roza Otunbayeva nazarida bu organ adliya va qonun-tartibot tizimini yaxshilash yo'lida yanada kattaroq rol o'ynashi, yangi loyihalar boshlashi zarur.

O'sh va Jalol-Obodni xonavayron qilgan, yuzlab insonlarning hayotiga zomin bo'lgan etnik fojiadan bir yil o'tib ham hukumat muammolarni sanash bilan cheklanmoqda xolos.

Janubda ahvol hamon tarang. O'zbeklar asossiz qamoqqa olinib, xavfsizlik organlari tomonidan xo'rlanayotganini aytadi. Mahalliy hokimiyatlar Bishkekka bo'ysunmay keladi. Bu borada yozilgan mustaqil hisobotlar esa Qirg'iziston rahbariyati va parlamentida inkor etilgan.

Otunbayeva ichki ishlar tizimini isloh qilishda xorijdan madad so'ramoqda
Otunbayeva ichki ishlar tizimini isloh qilishda xorijdan madad so'ramoqda

Roza Otunbayeva bugun Venada YXHT Doimiy Kengashida qilgan nutqida, 2010 yilning iyun oyidagi qonli voqealarni mamlakat tarixidagi eng og'ir kunlardan biri deya izohladi.

"Vayron bo'lgan imoratlar xalqaro donorlar madadi bilan qayta qurilmoqda. Lekin xalqimiz oldida undan-da murakkab vazifa turibdi - janubda o'zbek va qirg'iz aholi orasida ishonchni tiklash",- deydi Otunbayeva.

"Bunday qattiq mojaro ketidan ishonchni tiklash oson emas. Millatchilik va toqatsizlik darajasi yuqori",- deydi prezident.

Qirg'iziston hukumati mojaroning sabab va oqibatlarini o'rganib chiqqan xalqaro komissiya hisobotiga ko'p jihatdan qo'shilmagan, ammo unda ko'tarilgan muammolarni rad etmaydi.

"Mojarodan keyingi davrda inson huquqlari jiddiy ravishda poymol etilganini ochiq tan olamiz. Komissiyaning bu boradagi tanqidiga bosh egamiz. Vaziyatni o'zgartirish uchun harakat qilishga tayyormiz. Komissiya tavsiyalarini amalga oshirishda bizga yordam kerak",- deydi Otunbayeva.

Prezident Vena safarini yakunlab, O'shga boradi va u yerda fojianing bir yilligiga bag'ishlangan tadbirlarda ishtirok etadi.

"Bu butun xalqimiz uchun birdek fojia. Qurbon bo'lganlarni yodga olar ekanmiz, hammamiz bir-birimizga hamdardmiz. Bunday voqealar qayta ro'y bermasligi uchun qo'ldan kelgan barcha ishni qilishga shaymiz",- deydi Otunbayeva.

Hozirda Litva boshqarayotgan Yevropada Xavfsizlik va Hamkorlik Tashkiloti Qirg'izistonni etnik hamjihatlikni targ'ib qilish uchun konkret choralar ko'rishga undamoqda.

“Qirg'izistonda elatlararo tinchlik va demokratik taraqqiyot uchun yordamni ayamaymiz. Tashkilot o'z rolini oshirishga tayyor",- deydi Litva diplomati Renatas Norkus.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 900 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG