Breaking News

O'shlik ona: Tirik qoldik, lekin yuragimiz qon bo'lib oqayapti


O'sh, 24 iyun 2010
O'sh, 24 iyun 2010


Zamon notinch bo’lsa, buning azobini ayniqsa xotin-qizlar va bolalar tortishi hech kimga sir emas.

O’sh va Jalolobodning o’zbek mahalla va tumanlarini erkaklar tish-tirnog’i bilan himoya qilar ekan, onalar bolalarini, opalar esa singil va ukalarini bag’riga olib jon saqlashga urindi.

Kimdir omon qoldi, kimdir esa yov qo’liga tushib, qiynoqqa solindi, zo’rlandi, vahshiylarcha o’ldirildi.

O’shda Farhod choyxonasi bilan tanilgan bir mahalla bor. Ana shu yerda, 53-ko’chada yashovchi Malikaxon opa biz bilan suhbatda o’zi va qo'ni-qo'shnilari qanday tirik qolgani haqida so’zlab berdi.

“Qari ota-enamizni, yosh bolalarimizni, go’daklarimizni mahkam bag’rimizga bosib, birovlarning molxonalarida, yerto’lalarida berkinib o’tirdik, singlim.

Mahallamizga shunaqa BTRlar kirdi, ayovsiz otdi, hammayoqqa qarab. Uyimizning atrofi gilzaga to’lib ketgan, hammayoq vayron.

Mahalladagi erkaklarimiz, o’gillarimiz toshmi, temirmi, bor narsa bilan olishdi, BTRga qarab otdi. Kamazlarda chiqib yo’lini to’sganidan keyin chiqib ketishga majbur bo’ldi. Agar qarshilik ko’rsatilmaganida bizning mahallani ham xuddi Cheryomushka va Shaytepa singari yondirib, kuydirib ketgan bo’lar edi. Mahallamizda Qayirma degan kanal bor, ana shu joyda qurollilar turgan ekan. Erkaklarimiz tosh bilan, armatura bilan bo’lsa ham mahallani asrab qolishdi. Aks holda bizning mahallaning ham kulini ko’kka sovurishgan bo’lardi.

Hozircha o’q ovozlari eshitilmayapti, hiyla tinchib qoldi. Lekin o’zbeklar hali ko’chaga chiqqani yo’q. Musulmonmiz, uyimizda asrab qo’ygan narsalarimiz bor, shuni yeyapmiz. Erkaklarimiz birgalashib, u yerdan bu yerdan mol topib, so’yib, mahallaga tarqatishdi. Och qolganimiz yo’q, hamma o’zini bir amallab eplayapti. Ozmi ko’pmi, yordam ham kelayapti. Lekin vahimada yashayapmiz.

Taqdirimiz nima bo’ladi? Bolalarimiz nima bo’ladi? Qayerga qochamiz? Bundan keyin bizga bu yerda qanday muomala qilishadi? Kimdan najot kutamiz? Yolg’iz Ollohdan so’rab, Ollohdan najot kutib, namozimizni o’qib, yig’lab o’tiribmiz. Bizning panohimiz, yolg’iz himoyachimiz Olloh ekan.

Hammamizning yuragimiz qon, kattaning ham, kichikning ham. Bolalar juda qo’rqib qolgan. Darvoza tiq etsa, hamma uyga qarab qochadi. Bolalarimizning yuragida qor’quv, ko’zida yosh. O’zimiz sog’miz, mahallamiz sog’, lekin yuragimiz qon bo’lib oqayapti”.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG