Breaking News

"Biz tomonlarda inqilob kutmang", deydi O'zbekiston, Tojikiston va Qozog'iston yoshlari


AQSh sobiq mudofaa vaziri Donald Ramsfeld ta’sis etgan stipendiya orqali Amerikaga bir yarim oyga tashrif buyurib, bu davlat tuzumi bilan tanishayotgan yoshlar nazarida Yaqin Sharq va Shimoliy Afrikada hukumatga qarshi revolyutsion harakatlar mevasini bah
AQSh sobiq mudofaa vaziri Donald Ramsfeld ta’sis etgan stipendiya orqali Amerikaga bir yarim oyga tashrif buyurib, bu davlat tuzumi bilan tanishayotgan yoshlar nazarida Yaqin Sharq va Shimoliy Afrikada hukumatga qarshi revolyutsion harakatlar mevasini bah

Markaziy Osiyo va Janubiy Kavkazdan Vashingtonga kelib malaka oshirayotgan bir guruh yosh mutaxassislar fikricha, arab dunyosida yuz bergan va berayotgan siyosiy o’zgarishlar ularning vataniga u qadar ta’sir qilmaydi.

O’xshash jihat va muammolar talaygina, lekin barqarorlik har narsadan ustun deb yashaydigan bu mintaqadan ommaviy qo’zg’olon yoki inqilob kutmang, deydi ular.

AQSh sobiq mudofaa vaziri Donald Ramsfeld ta’sis etgan stipendiya orqali Amerikaga bir yarim oyga tashrif buyurib, bu davlat tuzumi bilan tanishayotgan yoshlar nazarida Yaqin Sharq va Shimoliy Afrikada hukumatga qarshi revolyutsion harakatlar mevasini baholashga hali erta.

Butun mintaqa uzra mavhumlik hukmron. Liviya – urush maydoni, Tunis karaxt bir holatda, Misr harbiylar qo’lida, Suriya tobora notinch, Yaman ichki mojarolar domida, Bahrayn va Iordaniyadagi g’alayonlar boshi berk ko’chaga kirib qolgan.

O'zbekiston evolyutsion taraqqiyot yo'lini tanlagan, deydi Elyor Rahmonov
O'zbekiston evolyutsion taraqqiyot yo'lini tanlagan, deydi Elyor Rahmonov

Toshkentda Jahon Iqtisodiyoti va Diplomatiya Universitetida dars beradigan Elyor Rahmonov deydiki, uning vatani evolyutsion taraqqiyot yo’lini tanlagan va bu eng ma’qul strategiya.

Birinchidan, deydi u, O’zbekistonda odamlar har qanday zo’ravonlikka qarshi.

“Qirg’izistondagi inqiloblardan hech kim ruhlangani yo’q, aksincha odamlar u yerdagi qonli voqealardan dahshatga tushdi”, - deydi Elyor Rahmonov.

Uning fikricha Andijonda 2005 yilda yuz bergan fojia tinchlik-xotirjamlik eng muhim narsa ekanini eslatgan.

Ekstremizm va radikalizm tahdidi hamon yuqori, deydi u, xavfsizlikni ta’minlash ustuvor masala.

“O’zbekistonda mavjud tuzumini o’zgartirishni ko’zlagan yovuz kuchlar bor”, - deydi Elyor Rahmonov, islomiy davlat barpo etish niyatidagi jangarilarga ishora qilib.

“Demokratik jamiyat qurish uzun va og’ir jarayon. Amerikada buning uchun ikki asrdan oshiq vaqt ketgan. Demokratik jamiyatga aylanish uchun avval uning asoslarini barpo etish kerak. Biz qadamma-qadam, evolyutsion taraqqiyot tarafdorimiz”, - deydi u.

Shu singari fikrni Tojikistondan kelgan yosh siyosatshunos Mahbub Rajabboyevdan ham eshitasiz.

“Davlat xalq dardini eshitishi, uning talablarini qondira bilishi kerak, lekin inqiloblar ijobiy o’zgarishdan darak emas. Arab dunyosidagi voqealar, hatto Qirg’izistondagi revolyutsiyalarning ham bizga ta’siri bo’lmadi. Tojikiston urush nima ekanini biladi va har qanday inqilobga qarshimiz",- deydi mutaxassis.

"Tojikiston urush nimaligini biladi", - deydi Mahbub Rajabboyev, "Biz har qanday inqilobga qarshimiz".
"Tojikiston urush nimaligini biladi", - deydi Mahbub Rajabboyev, "Biz har qanday inqilobga qarshimiz".

"Bugun hayot oson emas, lekin 10 yil oldingi holatga taqqoslasangiz, turmush ancha yaxshilangan. Odamlar kundalik yumushlar bilan band. Hamyurtlarim Rossiyada ishlab, oilasini boqmoqda, yiliga ulardan mamlakat iqtisodiyotiga 2 milliard dollardan ortiq daromad keladi”,- deydi Rajabboyev.

Qozog'istonda hukumat xalq dardini tinglashga bel bog'lagan, deydi Kairat Karmanov
Qozog'istonda hukumat xalq dardini tinglashga bel bog'lagan, deydi Kairat Karmanov

Qozog’istonlik Kairat Karmanov tahlilicha, yaqinda prezidentlikka qayta saylangan Nursulton Nazarboyev islohotlarni jadallashtirish haqida gapirayotgani va hukumat xalq bilan, ayniqsa yoshlar bilan muloqot qilishga, ularning fikrini hisobga olishga harakat qilayotgani – Yaqin Sharq va Shimoliy Afrikadagi qozg’olonlardan tegishli saboq olinayotganidan darakdir.

Bugun, deydi u, Qozog’istonda siyosatchiman degan odam internetda yoshlar bilan bog’lanish payida.

Nazarboyevni hokimiyatda umrbod qoldirish uchun referendum o’tishi mumkin edi, deydi u, ammo rahbariyat buni ma’qul topmadi. Mana shuning o’zi boshqaruv vaziyatni yaxshi tushunishidan xabar beradi, deydi Kairat Karmanov.

Qirg'iziston o'tgan besh yil ichida ikki inqilobni boshdan kechirdi
Qirg'iziston o'tgan besh yil ichida ikki inqilobni boshdan kechirdi

Yaqin o’tmishda inqiloblarni boshdan kechirgan Gruziya va Qirg’iziston vakillari internet ularning mamlakatida tobora kuchli qurolga aylanib borayotganini aytadi.

Tuzumlar zaif, muxolifat tarqoq va amalda o’tirganlarga xalq orasida ishonch past. Iqtisod zaif. Qonun ustuvor emas. Bu muammolarni hal etish uchun siyosiy iroda yetishmaydi, deydi ular.

Lekin, deydi gruziyalik Levan Dolidze va qirg’izistonlik Azis Abakirov, jamiyatda o’ziga yarasha erkinlik bor. Fuqaro hukumatni savolga, javobgarlikka tuta oladi.

Bokuda namoyishlar, mart 2011
Bokuda namoyishlar, mart 2011

Ozarbayjonda o'tgan oylarda uch bora ommaviy namoyishlar kuzatildi, ammo kuch bilan bostirildi.

Fidan Huseynli, Bokuda ham davlat, ham xususiy sektorda ishlab ko’rgan mutaxassis ta’biricha, hokimiyatni bir oila boshqarishi, korrupsiya, zaif tizim, muxolifatga yo’l berilmasligi va iqtisodiy-ijtimoiy islohotlar sust ekani bir kunmas bir kun xalqni bosh ko’tarishga majbur qilishi tayin.

Bokuda mart oyida muxolifat namoyishlari kuch bilan bostirildi
Bokuda mart oyida muxolifat namoyishlari kuch bilan bostirildi

Barqaror jamiyatda yashash hammaning ezgu orzusi, lekin buning uchun zamin yaratish kerak. Prezident Ilhom Aliyev islohotlar haqida gapiradi, ammo real qadamlar tashlanmaydi, deydi u.

Bu yoshlarning umumiy xulosasi shunday: avvalo tinchlik, keyin iqtisod, tirikchilik va ijtimoiy himoya va ana undan keyingina demokratiya haqida o’ylash kerak.

Demokratik tuzumni, deydi qozog'istonlik Gauhar Kassimjanova, har bir xalqning o’zi shakllantirishi, bu jarayonga boshqa davlatlar, jumladan Amerika bosh suqmasligi kerak.

Fred Starr, bu mutaxassislarga Vashingtonda murabbiylik qilgan amerikalik olim ularning nazariya va tahliliga qo’shilmaydi.

Professor Fred Starr bu yoshlarning fikriga qo'shilmaydi. Xalqaro maydondagi muhim voqealarning ta'siri bo'ladi albatta, deydi u.
Professor Fred Starr bu yoshlarning fikriga qo'shilmaydi. Xalqaro maydondagi muhim voqealarning ta'siri bo'ladi albatta, deydi u.

“Bizda hech qachon bunday bo’lmaydi deyish xato”, - deydi Fred Starr.

Professor deydiki, norozilik namoyishi zo’ravonlik bilan tugashi ham shart emas. Odamlar o’z talabi bilan chiqishga, hukumatni o’z muammolaridan ogoh qilib turishga haqli.

Shuningdek, deydi u, xalqaro maydondagi o’zgarishlar bizga ta’sir qilmaydi deya olmaymiz. Uning ta’sirini hukumat qarorlarida, chora-tadbirlarida ko’rish mumkin.

Bugun sizdek yoshlarni qiynayotgan eng katta muammo nima deb so’raganimizda, ulardan asosan ishsizlik, imkoniyatsizlik, uy-joy yetishmasligi va bilim olish qiyinlashib borayotgani degan javoblar oldik.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Shu mavzuda

XS
SM
MD
LG