AQShda namoyishchilarni kaltaklagan turk soqchilariga ayblov

  • Amerika Ovozi

Vashington sudi Turkiya Prezidenti Rajab Toyib Erdog'anning AQShga safari chog'ida ro'y bergan to'qnashuv yuzasidan 19 kishi, jumladan uning soqchilariga nisbatan ayblov e'lon qildi.

May oyida Turkiya elchisining rezidensiyasi oldida Erdog'an tarafdorlari va tanqidchilari to'qnashgan edi. Sudlanuvchilar tinch namoyishchilarga hujum qilganlikda, ayrimlari hatto qurol ishlatganlikda ayblanmoqda.

Erdog'anning Oq uyda Prezident Donald Tramp bilan birinchi uchrashuvi ketidan ro'y bergan bu voqea AQSh va Turkiya munosabatlarini chigallashtirdi.

"Amerika Ovozi"ning Turk xizmati suratga tushirgan videoda turk xavfsizlik xizmati xodimlari namoyishchilarni kaltaklaganini ko'rish mumkin:

Turkiya elchixonasiga ko'ra, Erdog'anning soqchilari o'zini himoya qilgan xolos. Turk diplomatlar elchi rezidensiyasi oldida namoyish qilganlarni Kurdiston Ishchilar Partiyasi a'zolari, deya da'vo qiladi, ammo bunga isbot-dalil yo'q. Bu guruhni Turkiya, AQSh va Yevropada terrorchi tashkilot deb biladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG