Breaking News

O'zbekiston Prezidenti Shavkat Mirziyoyev Oq uyda

O'zbekiston Prezidenti Shavkat Mirziyoyevning Oq uyga ilk tashrifi va Donald Tramp bilan uchrashuvi yakunlandi. Muzokaralardan oldin ikki rahbar matbuotga qisqa bayonot berdi.

"O'zbekiston prezidentini ulkan sharaf bilan kutib olyapmiz. Uni o'z vatanida ham, xorijda ham chuqur hurmat qilishadi. O'zbekiston bilan turli yo'nalishlarda, jumladan savdo bobida yaqindan hamkorlik qilayapmiz. Aytish joiz, O'zbekiston AQShga sarmoya kiritgan. Bizning ham u yerda sarmoyalarimiz bor. Ayni damda harbiy sohada hamkorlik qilyapmiz. O'zbekiston harbiy texnika sotib olyapti bizdan", - dedi Tramp.

Shavkat Mirziyoyevning aytishicha, Qo'shma Shtatlar O'zbekiston mustaqilligi, suvereniteti, hududiy daxlsizligini Mustaqillikning ilk yillaridan beri qo'llab-quvvatlab kelgan.

"AQSh va O'zbekistondagi so'nggi prezident saylovlaridan beri ikki mamlakat munosabatlari yangi bosqichga ko'tarilgan", - dedi Mirziyoyev.

O'zbekiston rahbari AQSh prezidentining iqtisodiyotdagi yutuqlarini, soliq islohotlarini amalga oshirganini, yangi ish o'rinlarini yaratganini olqishladi.

"Siz bilan Riyodda va Nyu-Yorkdagi uchrashuvlarimiz hamda o'tgan yili telefon orqali bo'lgan suhbatimiz ketidan bugungi uchrashuvni tarixiy deb atasak bo'ladi. So'nggi bir yarim yilda sarmoyalar bobida AQSh bilan yaqindan hamkorlikdamiz. So'nggi paytlarda Amerikadan ko'plab texnologiya va texnika olayapmiz", - dedi Mirziyoyev.

O'zbekiston rahbarining aytishicha, oxirgi kunlarda AQShning yetakchi kompaniyalari bilan 5 milliard dollarga teng shartnomalar imzolandi.

"O'zbekiston va AQSh o'rtasida strategik hamkorlikning yangi davri boshlandi", - dedi Mirziyoyev.

Ko'proq...

16x9 Image

Odil Ro'zaliyev

Odil AQShning Tafts Universitetida (Tufts University) magistrlik darajasini olgan. Ungacha O'zbekistonda Jahon tillar universitetida tahsil qolgan, Nyu-Yorkdagi Peys universitetida bir yil almashinuv dasturi bo'yicha o'qigan. 

Odil graduated from the Uzbekistan State World Languages University. Then he was an exchange student at Pace University in New York for one year (1993-1994). He got his Master's degree from Tufts University in Massachusetts in 2004.

XS
SM
MD
LG