Breaking News

Tendersiz tanlov yoxud chetdagi pullar O’zbekistonga qanday kirib keladi?


Toshkent markazidagi qiymati bir million dollar atrofida baholanayotgan yer maydoni

Toshkent markazidagi qiymati bir million dollar atrofida baholanayotgan yer maydoni Chexiyada ro’yxatdan o’tgan, o’zbekistonlik tadbirkor Isroil Yunusovga tegishli firmaga topshirilgani poytaxt hokimi Jahongir Ortiqxo’jayev ishtirokidagi navbatdagi munozarali loyiha sifatida ko’rilmoqda.

Bitim jamoatchilikka ochiqlanishi ortidan ijtimoiy tarmoqlarda bosh prokuraturaga nisbatan korrupsiyadaga qarshi kurashni maishiylikdan elitar doiraga ko’tarish chaqiriqlari ham eshitildi.

Toshkent shahar hokimligi va O’zbekiston fuqarosiga tegishli Chexiyadagi firma o’rtasidagi bitim tendersiz, 25 million dollarlik investitsiya sharti bilan amalga oshishi aytilyapti.

Jamoatchlik 2016-yilda Chexiyada ro’yxatdan o’tgan, turar-joylar ijarasi bilan shug’ullanuvchi “IMP NEW PAY” firmasining ustav mablag’i 40 dollar atrofida ko’rsatilganiga ham diqqat qaratmoqda.

Firmaning 95 foiz aksiyasiga ega tadbirkor Isroil Yunusov hokim Jahongir Ortiqxo’javev mas’ul bo’lgan “Tashkent City” qurilishida qatnashgan “Real House” kompaniyasiga rahbarlik qilishi inobatga olinsa, tendersiz tanlov ancha bahsli ko‘rinadi.

Nima sababdan ayrim o’zbekistonlik tadbirkorlar xorijdagi firmalar orqali mamlakatga kirib kelishga majbur bo’lishmoqda? Bu mablag’ ko’chirish bilan bog’liqmi yoki xorijiy investorlarga berilayotgan imtiyozlar bilanmi?

“Amerika Ovozi” bu savollar bilan O’zbekiston Moliya vazirligining sobiq xodimi, ayni paytda Qozog’istondagi universitetda iqtisoddan dars beruvchi mutaxassis Saparboy Jubayevga murojaat qildi:

Toshkent markazidagi investitsion loyihaga sharh
Iltimos, kuting...

No media source currently available

0:00 0:09:04 0:00

  • 16x9 Image

    Malik Mansur

    Malik Mansur Toshkent Davlat Universitetini (hozirda O'zbekiston Milliy Universiteti) bitirgan. Professional jurnalist. Bu sohada 1990-yilardan beri ishlab keladi. O'zbekistonda qator nashrlarda faoliyat yuritgan. "Amerika Ovozi bilan 2002-yildan buyon hamkorlik qilib keladi. Vatandagi siyosat, iqtisod va ijtimoiy hayotni yoritadi.
     

Facebook Forum

XS
SM
MD
LG