Breaking News

Muxolif O’zbekiston Xalq harakati Amerikada bo’lim ochdi


Muxolif O’zbekiston Xalq harakati Amerikada bo’lim ochdi

2005-yilda Andijon voqealaridan jon saqlab bir necha mamlakatdan boshpana olgan o’zbekistonliklar joriy yilda Xalq harakatiga asos solib, shu oy AQShda bo’limini ochdi.

Harakat yangi siyosiy kuch bo’lib, maqsadi O’zbekistonda mavjud tuzumni o’zgartirish.

"Amerika Ovozi" tashkilotning Amerikadagi bo’limi raisi Islomiddin Dolimov bilan suhbatda bo’ldi.

39 yoshli Islomiddin Dolimov Andijon voqealarigacha qurilish bilan shug’ullangan. Mamlakatni tark etishga majbur bo’lgan 450 andijonlik qochqindan biri. AQShda besh yildan beri yashaydi.

Xalq harakati “Andijon – adolat va tiklanish” tashkiloti asosida tuzilgan bo’lib, bugun aksariyat muxolif kuchlarni o’z ichiga oladi. Islomiddin Dolimovning aytishicha, harakatning tuzilishi zamon talabidir.

Harakat asoschilarining maqsadi – O’zbekistonda iqtisodiy ahvolni yaxshilash. Ammo buning uchun hokimiyat tepasida bo’lish lozim.

Bunga erishish yo’lini bilamiz, deydi guruh a’zolari, ammo O’zbekistondagi siyosiy ta’qib va qo’rquv muhiti bois, kurash usullari sir tutilmoqda.

Xalq harakatining AQShdagi bo’limi Arizona shtatida joylashgan. Andijonlik sobiq qochqinlarning aksariyati aynan o’sha yerda yashaydi. Jamoa a’zolari 10 xil yo’nalish bo’yicha biznes yuritadi.

Tashkilotning moliyaviy ahvoli yaxshi. Asosiy ish, deydi Islomiddin Dolimov, Rossiyadagi minglab mehnat muhojirlari orasida olib borilyapti. Tarafdorlarimiz soni ortib bormoqda, deydi u.

Xalq harakati Yaqin Sharq va Shimoliy Afrikadagi muxolif kuchlar singari O’zbekistonda jiddiy o’zgarishlarni amalga oshirishga kirishar ekan, Islomiddin Dolimovdan “O’zbekiston sharoitida “Arab bahori”ning ehtimoli qanday” deb so’raganimizda "bo'lishi mumkin" deb javob qildi.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

Shu mavzuda

XS
SM
MD
LG