Amerika Davlat kotibasi Xillari Klinton nazarida tashqi siyosat va xalqaro iqtisodiyot bir-biri bilan chambarchas bog’liq.
Chunki, deydi u, jahonda kim qudratli ekanini harbiy emas, iqtisodiy-moliyaviy salohiyat belgilaydi.
AQSh qo’shinlari Iroq da Afg’onistondan chiqish arafasida ekan, endi e’tibor-strategiya ham o’zgaradi.
Xillari Klinton Qo’shma Shtatlar yillar davomida Yevropa bilan qanday aloqani yo’lga qo’ygan bo’lsa, Osiyo bilan ham shunday rishta bog’lashi kerak, deydi.
Tahlilchilar fikricha, buni Osiyoda Xitoy va unga qo’shni davlatlarning oshib borayotgan qudrati bilan tushuntirish mumkin. Ayniqsa, Xitoy harbiy va iqtisodiy kuchini ko’z-ko’z qilish bilan band.
Klinton Yaqin Sharq haqida to’xtalib, arab bahori iqtisodiy uyg’onishni ham anglatishi lozim, dedi.
Uning aytishicha, Amerika zolim hukumatlarni, Erondagi kabi rejimlarni jazolash qarorida qat’iy.