AQSh rahbari Donald Tramp ko'plab ayollar tomonidan jinsiy tegajog'likda ayblanar ekan, uning fikricha, aybdor tomon aslida demokratlar. Oq uyda respublikachi prezident o'tirganidan alamzada liberallar, deydi Tramp, uni bu lavozimdan olish yo'llarini izlamoqda. Prezident jinsiy bosim va tegajog'lik haqidagi ayblovlarni tan olmaydi. Umuman olganda, hozirgacha Kongressning 100 dan oshiq a'zosi prezidentga nisbatan da'volarni tekshirish kerak deya talab qilmoqda.
Kongressning 59 ayol a'zosi, hammasi demokratlar, Vakillar Palatasi rahbariyatidan Trampga nisbatan ayblovlarni jiddiy ko'rib chiqishni talab qilmoqda. Ular, shuningdek, Trampni prezidentlikka noloyiq deb hisoblaydi. Izchil tekshirilsin va xulosa chiqarilsin, deydi bu arboblar.
Despite thousands of hours wasted and many millions of dollars spent, the Democrats have been unable to show any collusion with Russia - so now they are moving on to the false accusations and fabricated stories of women who I don’t know and/or have never met. FAKE NEWS!
— Donald J. Trump (@realDonaldTrump) December 12, 2017
Demokrat senator Kirsten Jillibrend, Nyu-York shtatidan saylangan qonunchi, Oq uyni muammoni yopishga urinib, ayollarni qoralayotganidan g'azabda.
U Trampni vijdonan yo'l tutib, unga qarshi yog'ilayotgan ayblovlarga javob berishga undamoqda. Xotin-qizlar ovozini o'chirishga urinish prezidentga yarashmaydigan ish, deydi senator. Davlat rahbari hammadan ham mas'uliyatli, jamiyat manfaatlari uchun kurashda yetakchi odam bo'lishi kerak, deydi Jillibrend.
Lightweight Senator Kirsten Gillibrand, a total flunky for Chuck Schumer and someone who would come to my office “begging” for campaign contributions not so long ago (and would do anything for them), is now in the ring fighting against Trump. Very disloyal to Bill & Crooked-USED!
— Donald J. Trump (@realDonaldTrump) December 12, 2017
You cannot silence me or the millions of women who have gotten off the sidelines to speak out about the unfitness and shame you have brought to the Oval Office. https://t.co/UbQZqubXZv
— Kirsten Gillibrand (@SenGillibrand) December 12, 2017
Hozirgacha 17 ayol Trampni jinsiy bosim va shilqimlikda ayblab chiqqan.
Kongressning ayol a'zolari yozgan xatda Amerika xalqi haqiqatni bilishga haqli, deyiladi. Davlat rahbari shuncha xotin-qizning nomusiga tegishga uringanlikda ayblanar ekan, qonun chiqaruvchi organ qo'l qovushtirib o'tirmasligi kerak, deydi siyosatchilar.
Shu kunlarda Kongressning uch a'zosi, demokrat senator Al Franken, Vakillar Palatasining demokrat a'zosi Jon Konyers va respublikachi Trent Frenks jinsiy bosim ayblovi ostida ishdan ketdi.
Trampni ayblayotgan ayollar bu ishlar bir necha yil oldin bo'lganini aytadi. Oq uyga ko'ra, bu masala oldin ham ko'tarilgan, muhokama qilingan va shunga qaramasdan Tramp prezidentlikka saylangan, ya'ni xalq unga ishongan.
Prezidentning matbuot kotibasi Sara Sandersning aytishicha, jinsiy bosim haqidagi dashnomlarga 2016-yilgi saylov natijasidan javob olish kerak.