Prezident Barak Obama mamlakatda qurol nazoratini kuchaytirishga urinmoqda. Keyingi paytda maktablar va jamoat joylarda qonli xurujlarga guvoh bo'lgan amerikaliklar ham o'zgarish talab qilmoqda. Lekin bu jamiyat cheklovlarni yoqtirmaydi. Shunday ekan, Amerika bu borada ham ikkiga bo'lingan. Bir taraf, gap qurolda emas deydi. Ikkinchi tomon esa fuqaroga miltiq yoki to'pponcha nimaga kerak deya xayron. Bir tomon bu xavfsizlik uchun zarur desa, ikkinchi tomon qurolga egalik qilish mumkin bo'lgani uchun ham jinoyatlar sodir etilmoqda, deydi.