Breaking News

Toshkentdan maxsus: O'zbekiston tadbirkor ayollari lideri bilan muloqot


Gulnora Mahmudova, O'zbekiston Tadbirkor ayollar uyushmasi rahbari

"Tadbirkor ayol", O'zbekiston Tadbirkor ayollari uyushmasi 1991-yilda tashkil topgan. Bugungi kunda 16 mingga yaqin a'zoga ega. Mamlakat bo'ylab 62 bo'limi bor.

Jamoat tashkiloti ekan, grantlar asosida ishlaydi. Oliy Majlis qoshidagi maxsus jamg'arma, nohukumat sektorni quvvatlovchi fonddan ham mablag' oladi.

Shu yoz tashkilot hukumatga yirik taklif bilan chiqdi. Mamlakatda xotin-qizlarning biznes sohasidagi hissasini oshirish uchun tizimli ravishda bilim beruvchi, malaka oshiruvchi hamda ularni ruhan va amaliy jihatdan quvvatlovchi dastur lozim. Bu programmani ishlab chiqqan uyushmaga ko'ra, maqsad O'zbekistonda iqtisodni kengaytirish, xususan ish o'rinlarini ko'paytirish.

Tashkilot rahbari Gulnora Mahmudova "Amerika Ovozi" bilan suhbatda nafaqat bu konsepsiya balki mamlakat xotin-qizlari oldidagi muammolar va imkoniyatlar, hozirgi dolzarb vazifalar hamda xorijdagi o'zbek ayol tadbirkorlarni vatanga jalb etish harakatlari borasida ham so'zladi.

Biznes erkinlik talab qiladi, deydi Mahmudova, va uning ishonicha, bugungi O'zbekistonda tadbirkorlik qilish uchun erkinlik yetarli. Uni kengaytirib borish uchun esa bizneslar kuchayishi, yangi sohalarga asos solinishi va xotin-qizlar o'z iqtisodiy-moliyaviy manfaatlari uchun konstruktiv harakat olib borishi lozim.

Toshkentda O'zbekiston tadbirkor ayollar uyushmasida suhbat
Toshkentda O'zbekiston tadbirkor ayollar uyushmasida suhbat

O'zbekistonda tadbirkor ayol qanday kuchga ega? Gulnora Mahmudova bilan suhbat
Iltimos, kuting...

No media source currently available

0:00 0:56:54 0:00

"Tadbirkor ayol" deb nomlangan bepul jurnal, uyushmaning uch tildagi nashri, homiyga muhtoj. Ishbilarmonlikni targ'ib qiluvchi, ilg'or tadbirkor ayollar haqida ma'lumot beruvchi manba xususiy mablag'ga chiqadi. Agar homiy topilmasa, deydi Gulnora Mahmudova, jurnal chop etilishdan to'xtaydi.

O'zbekistonda nahotki "Tadbirkor ayol"ga homiylik qilishga qodir tadbirkor ayol yo'q?

Qodir ayollar bor, deydi uyushma rahbari, lekin ular bu nashrga sarmoya qilishdan ko'ra boshqa ishlarga pul sarflashni ma'qul ko'radi. Uyushma o'ylanib qolgan va takliflarga ochiq.

Dunyo bo'ylab biznes sohasida faol o'zbek xotin-qizlari bor. Ular bu uyushma bilan qanchalik bog'langan? Gulnora Mahmudova ayni damda aynan shuni yo'lga qo'yishga urinmoqda. Aloqa salom-alik va muloqot bilangina cheklanmasligi kerak, deydi suhbatdosh, real hamkorlik va biznes sheriklikka talab bor, amaliy qadamlar tashlanishi kerak.

Gulnora Mahmudova, O'zbekiston Tadbirkor ayollari uyushmasi rahbari Women
Gulnora Mahmudova, O'zbekiston Tadbirkor ayollari uyushmasi rahbari Women

Tadbirkor ayollar uyushmasi fermer xotin-qizlarg e'tibor qaratmoqda. Bu yil Toshkentda forum o'tkazdi. Dehqonlar va chorvadorlar hukumat vakillari va mutaxassislar bilan bir davrada o'tirib, muammo va yechimlarni muhokama qildi. Fermer ayollar o'zlarini qiynayotgan savollarga javoblar oldi, deydi Gulnora Mahmudova. Bunday forumni har yili o'tkazish rejalangan.

Hujjatsiz, noqonuniy biznes qilayotgan ayollarni ham uyushmaga jalb etish va shu tariqa ularni qonuniylashtirish harakati boshlangan. Rasmiy biznesga aylansa, imkoniyatlar kengayadi, deydi Gulnora Mahmudova.

Bilimsizlik tadbirkorni qo'rqitadi. Tizimga ishonch pastligi va o'ziga nisbatan ishonchi ham yuqori emasligi bois ko'plab ayollarning ishi oldinga siljimaydi, vaholanki, amalga oshirsa bo'ladigan g'oyalari bo'lishi mumkin, yetarlicha kuch va g'ayratga ham ega bo'lishi mumkin. Ularni quvvatlash lozim, deydi uyushma rahbari.

O'zbekiston Tadbirkor ayollari uyushmasi, Toshkent
O'zbekiston Tadbirkor ayollari uyushmasi, Toshkent

Xo'sh, hozirgi O'zbekistonda bu kabi tashkilotlar qanchalik bemalol ishlay olyapti? Cheklovlar va taqiqlar zamoni o'tdimi?

Gulnora Mahmudova deydiki, uning uyushmasi faoliyatiga hech kim aralashmaydi va oldingidek, masalan, fermerlar bilan ishlamang, degan taqiqlar endilikda olib tashlangan. Aksincha, deydi u, qishloqlardagi tadbirkor xotin-qizlar bilan yaqindan ishlash rag'batlantiriladi.

"O'zbekistonda bugun biznes imkoniyatlar har doimgidan ham yaxshi va uni o'z ko'zingiz bilan ko'rmoqda, his etmoqchi bo'lsangiz, bizning uyushmamiz bu borada hamkorlikka tayyor", - deydi u, xorijdagi vatandosh ayollarga qarata.

Noyabr oyida O'zbekistonda ayollar haftaligi o'tadi va urg'u aynan ayollarning iqtisoddagi roliga qaratiladi.

Tadbirkor ayollar uyushmasiga ko'ra, respublika xususiy sektorining deyarli uchdan bir qismi xotin-qizlar qo'lida. O'tgan bir yil ichida ayol tadbirkorlar 1,1 trillion so'm kredit ololgan.

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi ilk teledasturlar muallifi. TV, radio va onlayn diktor, prodyuser, muxbir va muharrir. O'zbekistonda akkreditatsiyadan o'tgan, ya'ni respublikadan turib axborot berish imkoniyatiga yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, editor, web editor, and producer, she has covered Central Asia and America for nearly 20 years on TV, radio and online. For the last year, she has also been reporting from inside Uzbekistan as the only and first-ever accredited U.S.-based journalist. Navbahor is also the founding President of the VOA Women’s Caucus. Educated in Uzbekistan, India, and at Harvard University, she was a 2016-17 Edward S. Mason Fellow at Harvard’s John F. Kennedy School of Government, where she also earned her Masters in Public Administration. Navbahor played a pivotal role in the launch of Uzbek television programming at VOA in 2003 and has since presented more than 800 editions of the flagship weekly show “Exploring America,” which covers American foreign policy for some 40 million Uzbek speakers worldwide, focusing on U.S. relations with Central Asia and life and politics in the United States. She has co-hosted VOA-wide special broadcasts for a global audience. She has received multiple awards for excellence in broadcasting, including the VOA Gold Medal in 2010. As a multimedia journalist, with millions of viewers, listeners, followers, and fans, Navbahor writes and speaks frequently on Uzbek domestic politics, foreign policy, and society, as well as regional issues in Central Asia, for policy, academic, and popular audiences. Her essays have appeared in leading journals, including Foreign Policy, The National Interest, and The Diplomat, and she has lectured at institutions including the U.S. Foreign Service Institute, Columbia University, Johns Hopkins University, Georgetown University, and George Washington University. Navbahor began her career at the Uzbek state broadcaster as a reporter and producer. She taught journalism at her alma mater, the Uzbek State University of World Languages in Tashkent, and then earned a B.A. in journalism and mass communication from Maharaja’s College at the University of Mysore in India. A recipient of the Edmund Muskie Fellowship, she earned her MA in journalism from Ball State University. In 2009, Ball State’s journalism department named her an Outstanding Young Alumna.

Facebook Forum

XS
SM
MD
LG